Dövlət Neft Fondu tələbələr arasında müsabiqə elan etdi

 

16:46 04-03-2019 | icon 27 | Təhsil
Dövlət Neft Fondu tələbələr arasında müsabiqə elan etdi
 

 

 

Azərbaycan Respublikası Dövlət Neft Fondu (ARDNF) tələbələr arasında “Uğurlu səhm seçimi” (“Stock Pitch”) müsabiqəsinə başlayır.

 

Versus.az-ın xəbərinə görə, Fonddan bildirilib ki, müsabiqədə tələbələr investisiya seçimi və təhlili bacarıqlarını nümayiş etdirəcək, eləcə də təcrübəli mütəxəssislərdən rəy alacaqlar. Müsabiqədə bakalavr pilləsinin son iki ilində və magistratura pilləsində təhsil alan tələbələr iştirak edə bilər. İştirakçılar dörd nəfərdən ibarət komanda şəklində olmaqla eyni universiteti təmsil etməlidirlər. Müraciətlər həm Azərbaycan, həm də ingilis dilində qəbul olunur.

 

Müsabiqədə iştirak üçün qeydiyyat formasını doldurub iştirakçıların CV-ləri ilə birlikdə stockpitch@oilfund.az  elektron ünvanına aprelin 4-dən gec olmamaq şərti ilə göndərilməsi xahiş olunur. Azərbaycan və ingilis dilində qeydiyyat formaları:

 

Müsabiqənin mərhələləri belədir: müsabiqədə iştirak üçün son qeydiyyat tarixi 2019-cu il aprelin 4-ü; növbəti mərhələyə keçəcək komandaların açıqlanması aprelin 10-u; seçilmiş komandaların təlimdə iştirakı, eləcə də səhmin seçimi və təhlili üçün göstərişlərin verilməsi aprelin 13-ü; səhm üzrə təhlilin təqdim edilməsi mayın 13-ü; yarım-final mərhələsinə keçəcək komandaların açıqlanması mayın 22-si; yarım-final və final mərhələlərinin keçirilməsi mayın 24-dür. Komandalar öz təhlilləri əsasında münsiflər heyətinin qarşısında qısa bir çıxış edərək onları seçdikləri səhmin nəyə görə yaxşı investisiya olduğuna inandırmalıdırlar.

Mükafatlar isə belədir: 1-ci yer 5 min manat, 2-ci yer 3 min manat, 3-cü yer 1000 manat. Müsabiqədə uğurla çıxış etmiş iştirakçılar ARDNF-də təcrübə keçmək imkanı əldə edəcəklər.

“Stock pitch” nədir?

“Stock pitch” səhm üzrə investisiya ideyasının xülasəsi dəməkdir. İştirakçı komandalardan gözlənilir: tələb olunan xüsusiyyətlərə uyğun səhmin seçimi; həmin səhm üzrə kəmiyyət və keyfiyyət göstəricilərini nəzərə alaraq təhlillərin həyata keçirilməsi; təhlilin nəticəsinin investisiya təklifi kimi inandırıcı şəkildə təqdim edilməsi.

 

Versus.Az

Xəbər lenti

InvestAZ

Ən çox oxunan xəbərlər

Hər Novruz Bayramında kövrəlirəm

Şuşa-Laçın yolu - 2019/VİDEO

“Cənab prezident, qarşınızda xəcalət çəkirəm” FAKTI

RHİM İB Çanaqqala zəfərinin ildönümü və Novruz bayramı ilə bağlı maraqlı tədbir keçirib

Qaraciyərin normal işləmədiyini göstərən 6 ƏLAMƏT

Sabah Bakıda güclü külək əsəcək, rayonlarda isə qar yağacaq

Viza rejimi ilə bağlı saziş imzalandı

Partiya sədrinin Novruz təəssüfləri: BİZ NİYƏ DİLİMİZƏ HÖRMƏT ETMİRİK?

"Kamikadze 1"

Sabiq deputatlığa namizəd qubalıları təbrik edib

"WhatsApp"da yeni funksiyalar

“Quran ruha görə nazil olunub”

Bakıda Novruz festivalına start verildi

Hər ata görə min dollar

Bu ölkədə ilk metropoliten xətti açıldı