Uşaqlara ad qoyularkən mentalitet nəzərə alınmalıdır

08:02 12-03-2019 | icon 17 | Cəmiyyət
Uşaqlara ad qoyularkən mentalitet nəzərə alınmalıdır

Azərbaycanda şəxs adlarının izahlı lüğətinin yeni nəşrinin hazırlanması üçün işlər aparılır.

 

Versus.Az Trend-ə istinadən xəbər verir ki, bunu Nazirlər Kabineti yanında Terminologiya Komissiyasının sədr müavini Sayalı Sadıqova deyib.

Sədr müavininin sözlərinə görə, bu gün Azərbaycanda şəxs adlarının siyahısına yenidən baxılaraq təkmilləşdirilməsinə ehtiyac var.

 

S.Sadıqova əlavə edib ki, hələ 2014-cü ildə şəxs adlarının izahlı lüğətinin təkmilləşdirilmiş nəşri çap edilmişdi. Lüğətin həmin nəşrinə 7500-ə yaxın ad daxil edilmişdi. Kolxoz, Sovxoz, Ansambl, Cinayətkar, Cani, Raykom, Narkoz kimi 1700-ə yaxın şəxs adı isə siyahıdan çıxarılmışdı.

Artıq həmin adların qoyulmasına icazə verilmədiyini deyən S.Sadıqova hesab edir ki, Azərbaycan xalqı yarandığı dövrdən etibarən mövcud olan adlar sistemi qorunub saxlanılmalıdır:

 

"Adlar sistemi hər bir xalqın milli mentalitetini əks etdirir. Bizim əsas məqsədimiz o mentaliteti qoruyub saxlamaqdır. Ona görə də uşaqlara ad qoyularkən və ya dəyişdirilərkən xalqımız üçün yad olan, gülüş doğuran adlardan istifadə edilməməlidir".

 

O, şəxs adları ilə bağlı valideynlərin maarifləndirilməsini vacib hesab edir:

"Məsələn, bir gənc atasının adından utandığından onun dəyişdirilməsi üçün müraciət etmişdi. Atasının adı Saqqal idi. Başqa bir nəfər müraciət edib ki, uşağa Nailə Münəvvər adı qoyulsun və istəyir ki, hər iki ad ayrı-ayrılıqda yazılsın. Ancaq bizdə bu mümkün deyil. Buna görə də valideynlər hələ körpə ikən uşaqlarına elə adlar qoymalıdırlar ki, onlar böyüdükdən sonra adı dəyişdirməyə məcbur olmasınlar".

 

Müstəqillik illərində Azərbaycanda yeni adların yarandığını deyən S.Sadıqova siyahı ilə bağlı yeni nəşrin hazırlanması üçün işlərin aparıldığını, lüğətin ilkin variantına dilimizə təzə daxil olan 800-ə yaxın şəxs adının əlavə edildiyini də söyləyib.

Xəbər lenti

InvestAZ

Ən çox oxunan xəbərlər

Laçın məktəbində NOVRUZ ab-havası

Şuşa-Laçın yolu - 2019/VİDEO

ƏLİ İNSANOVLA SATQIN YƏHUDALARIN "QAN TARLASI"

Əli İnsanovun yersiz iddiaları

"Vərəm xəstəsi olan ailələrə daha həssas yanaşılmalıdır"

"Bir vətəndaş kimi dövlət başçısına minnətdaram"

AXCP sədri: "Əgər iqtidar bizimlə hesablaşmasa..." - VİDEO

"Siyasi məhbusların azadlığa buraxılması vacibdir"

"Dövlət başçısının əfv sərəncamı alqışlanmalıdır"

Əfv sərəncamı və “səbəbkar axtarışı” - SORĞU

Əsl peşəkar diplomatiya nümunəsi 

Əli İnsanov da əfv edilib

Prezident onları əfv etdi - SİYAHI

BAĞIŞLA, ANA

Akif Əli vəzifəsindən uzaqlaşdırıldı