"Bunun da hökümət səviyyəsində öz həllini tapacağına ümid edirəm"

20:26 16-03-2019 | icon 58 | Cəmiyyət
"Bunun da hökümət səviyyəsində öz həllini tapacağına ümid edirəm"

"Şəhidlər baş tacımızdır. AXCP ailəsi olaraq, Şəhid ailələrini ziyarət etməyi özümüzə borc bilirik..."

 

Versus.Az-ın məlumatına görə, AXCP sədri Razi Nurullayev bunu Şəhid ailələri ilə görüşündə bildirib:

 

"Hər il olduğu kimi bu il də Novruz bayramı ərəfəsində Şəhid ailələrinin yanında olmaq, onların qayğı və problemləri ilə maraqlanmağı özümün mənəvi borcum hesab etdim".

 

Partiya sədri və funksionerləri Aprel döyüşlərində şəhid olmuş Əlizaman İslamovun anası Hürnisə ananın, 1- ci Qarabağ savaşında şəhid olmuş İsmayıl Şərbətovun həyat yoldaşı Səfurə ananın, 2013-cü il şəhadət zirvəsinə yüksəlmiş Anar Əsgərlinin anası Fərqanə ananın ziyarətində olublar. Hər üç Şəhid ailəsi şəhidlərin keçdiyi mübarizə yolu haqqında söhbət açıb.

 

AXCP sədri Razi Nurullayev təəssüratlarını bölüşüb:

""Vətən əgər uğrunda ölən varsa, Vətəndir" deyərək, cəsarətlə ölümün pəncəsinə atılmış şəhidlərimizin ailələrinə olan etinasızlıq məni çox narahat etdi. Yeganə övladı şəhid olmuş Hürnisə anaın (Şəhid Ə.İslamovun anası) oğlunun adının əbədiləşdirilməsi üçün çəkdiyi əzablar və hələ də bu məsələnin öz həllini tapa bilməməsi, həyat yoldaşı Şəhidlər Xiyabanında uyuyan Səfurə ananın (şəhid İ.Şərbətov) 7 ailə üzvü ilə birlikdə çox acınacaqlı şəraitdə yaşaması və bu məsələ ilə bağlı artıq neçə illərdir İcra nümayəndəliyinin heç bir tədbir görməməsi, "Oğluma şəhidlik adının veriləcəyi günə qurban demişəm" deyən Fərqanə ananın (Şəhid A.Əsgərli) 5 ildir hələ də bu ad üçün mübarizə aparması çox sarsıdıcı və ürək ağrıdan faktlar idi".

R.Nurullayev vurğulayıb ki, bir ananın övladı kimi doğulsalar da, bütün xalqın övladına çevrilmiş Şəhidlərimizin ailələri bütün qayğılardan azad yaşamalıdır:

"Bunun üçün hamımız əlimizdən gələni etməliyik. Bu məsələlərin də tezliklə hökümət səviyyəsində öz həllini tapacağına ümid edirəm. Allah bütün Şəhidlərimizə rəhmət eləsin".

SEVDA
Versus.Az

Xəbər lenti

InvestAZ

Ən çox oxunan xəbərlər

Laçın məktəbində NOVRUZ ab-havası

Şuşa-Laçın yolu - 2019/VİDEO

ƏLİ İNSANOVLA SATQIN YƏHUDALARIN "QAN TARLASI"

Əli İnsanovun yersiz iddiaları

"Bir vətəndaş kimi dövlət başçısına minnətdaram"

RHİM İB Çanaqqala zəfərinin ildönümü və Novruz bayramı ilə bağlı maraqlı tədbir keçirib

Əfv sərəncamı və “səbəbkar axtarışı” - SORĞU

"Dövlət başçısının əfv sərəncamı alqışlanmalıdır"

Əli İnsanov da əfv edilib

BAĞIŞLA, ANA

Prezident onları əfv etdi - SİYAHI

Partiya sədri əfvlə bağlı prezidentə təşəkkür etdi

“Əfv fərmanını alqışlayıram"

"Siyasi və vicdan məhbusu mövzusu hələ də gündəmdədir"

"Bunun da hökümət səviyyəsində öz həllini tapacağına ümid edirəm"