Müasir Azərbaycanda miqrasiya prosesləri” - SEMİNAR

17:46 09-04-2019 | icon 35 | Cəmiyyət
Müasir Azərbaycanda miqrasiya prosesləri” - SEMİNAR

İnsan Hüquqları üzrə Müvəkkil Elmira Süleymanovanın təşəbbüsü ilə yaradılmış və Ombudsmanın uşaq hüquqları üzrə resurs mərkəzi olan Azərbaycan Uşaq və Gənclərin Sülh Şəbəkəsinin (AUGSŞ) Liderlik məktəbində “Müasir Azərbaycanda miqrasiya prosesləri” mövzusunda seminar keçirilib.

 

Ombudsman Aparatından Versus.Az-a verilən məlumata görə, aparatın şöbə müdiri Faiq Ağayevin, Dövlət Miqrasiya Xidməti (DMX) yanında İctimai şuranın sədri Azər Allahverənovun, Azərbaycan Uşaq və Gənclərin Sülh Şəbəkəsinin üzvü, DMX yanında İctimai şuranın katibi Kənan Bağırovun da qatıldığı həmin tədbirdə Liderlik Məktəbinin üzvləri, müəllimlər və valideynlər iştirak ediblər.

 

F.Ağayev çıxış edərək, bu günlərdə qeyd etdiyimiz Aprel Qələbəsi, Azərbaycan Ordusunun bu şanlı tarixi səhifəni yazmasında göstərdiyi şücaəti, soydaşlarımızın işğaldan azad olunmuş doğma ata-baba torpaqları olan Cocuq Mərcanlıya qayıtması, onlar üçün dövlətimiz tərəfindən müvafiq infrastrukturun yaradılması ilə bağlı həyata keçirilən tədbirlər, təşkilatın üzvlərinin Müvəkkil ilə birlikdə həmin qəsəbəyə səfərləri barədə məlumat verib. Həmçinin Azərbaycan əhalisinin sayının 10 milyon nəfərə çatması vurğulanaraq, bunun xalqımız üçün önəmli bir hadisə olması qeyd edilib.

 

O, ölkəmizdə miqrantların hüquqlarının təmini və müdafiəsi istiqamətində görülən işlər, Ombudsmanın bu sahədə çoxşaxəli fəaliyyəti, o cümlədən Dövlət Miqrasiya Xidməti, BMT-nin müvafiq qurumları ilə əməkdaşlığı ilə bağlı ətraflı məlumat verib.

Miqrasiya üzrə ekspert, DMX yanında İctimai şuranın sədri Azər Allahverənov isə öz çıxışında dövlətimizin miqrasiya siyasəti, miqrant qrupları, onların müəyyən edilməsi şərtləri, insanların miqrasiya etmə səbəbləri, Azərbaycanda olan beynəlxalq qaçqınlar və onlarla aparılan işlər, miqrasiya sahəsi ilə bağlı statistik göstəricilər, miqrasiya saldosu və digər məsələləri diqqətə çatdrıb.

 

Daha sonra çıxış edən Kənan Bağırov 2015-ci ildən DMX yanında İctimai şuranın üzvü olaraq miqrasiya proseslərində AUGSŞ aktiv iştirak etməsi, müxtəlif məsələlərlə bağlı təkliflərin mütəmadi olaraq Şuraya verilməsi, vətəndaşların qarşılaşdıqları çətinliklərlə bağlı onlara lazımi dəstəyin göstərilməsi, eləcə də miqrasiya mövzusunda müxtəlif vaxtlarda maarifləndirmə tədbirlərinin keçirildiyi haqqında məlumat verib və bu sahənin şəbəkənin fəaliyyətində prioritet istiqamətlərdən biri olmasını qeyd edib.

 

Qonaqlar belə bir aktual mövzuya həsr olunmuş seminarın təşkilinə və faydalı fikir mübadiləsinə, eləcə də Liderlik Məktəbində uşaq və gənclərin intellektual səviyyəsinin inkişafına göstərdiyi diqqət və qayğıya görə Ombudsmana təşəkkürlərini bildirib, uşaqların çoxsaylı suallarını cavablandırıblar.

 

Versus.Az

Xəbər lenti

InvestAZ

Ən çox oxunan xəbərlər

Jurnalistlərimiz Dağlıq Qarabağa niyə GETMƏLİDİR?

Tarix DAĞLIQ QARABAĞda qalanan alovdan danışacaq

Ermənistanın Qarabağ iştahı artır

"Beynəlxalq terrorizmlə mübarizə” mövzusunda keçirilən konfransda

Uşaqları internetdən uzaq tutmayaq

İncitdiyiniz insanların sayı-hesabı yoxdur

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

“Əli və Nino” filmi İndoneziyanın üç şəhərində nümayiş olunacaq

"Vladimir Zelenski Ukrayna prezidenti seçkilərində qalib gəlir"

Övladlarını niyə rusdilli təhsilə yönəldirlər?

“Azərbaycan xalqı bu şəkildə yaşamağa layiq deyil”

Ana mətbuata və dövlət rəhbərliyinə müraciət edib

Cəbhədən XƏBƏR VAR - Erməni təxribatı davam edir