“Bizdən fərqli olaraq, orda bələdiyyələr real hakimiyyətə malikdirlər”

22:45 12-04-2019 | icon 50 | Siyasət
“Bizdən fərqli olaraq, orda bələdiyyələr real hakimiyyətə malikdirlər”

Əlabbas Məhərrəmli: “Sadəcə, əməkdaşlıq potensialından səmərəli istifadə olunmalıdır”

 

 

“Dünyanın demokratik seçki ənənələrinə malik olan, həmçinin seçkilərin formal olduğu ölkələr var. Bu vəziyyət onilliklər ərzində belə qalıb, belə də davam edir. O baxımdan, seçkilərin verdiyi hansısa mesajdan danışmağın yeri yoxdur”.

 

Bunu Versus.Az-a siyasi ekspert Əlabbas Məhərrəmli son vaxtlar dünya dövlətlərində cərəyan edən dəyişikliklərdə seçki prosesinin rolunu şərh edərkən bildirib.

Onun sözlərinə görə, hazırda ölkələrdə baş verən dəyişikliklərdə demokratiyadan çox, böyük dövlətlərin təsiri qeyd edilməlidir.

 

Ə.Məhərrəmli son günlərdə Türkiyədə baş verən bələdiyyə seçkilərinə nəzər salaraq, buradakı seçki formasının Azərbaycana tətbiqinə də birmənalı yanaşmadı:

 

“Türkiyə təqribən 60 ilə yaxındır ki, demokratik seçki ənənələrinə malik bir ölkədir. Qardaş ölkədə sistem dəyişikliyinə qədər, yəni parlament respublikası olduğu vaxtlarda keçirilən həm Məclis, həm də yerli seçkilər hər zaman kəskin rəqabət şəraitində keçib. Yəni Məclis seçkilərində uğur qazanan partiyalar həm parlamentdə üstünlük qazanır, həm də hökuməti formalaşdırmaq səlahiyyəti əldə edirdilər. Bələdiyyə seçkilərində uğur qazanmaq isə yerli hakimiyyət orqanlarında təmsilçilik hüququ verirdi. Türkiyədə prezident üsul idarəsinə keçiddən sonra da yerli seçkilər öz əhəmiyyətini saxlayır. Ona görə də biz orada çox gərgin seçki mübarizəsi izlədik. Türkiyədəki seçkilərlə bizim seçkilərin müqayisəsini aparmaq çətindir. Çünki orada bizdən fərqli olaraq, bələdiyyələr real hakimiyyətə malikdirlər. Bizdə isə bələdiyyələr haqlı olaraq, icra hakimiyyətlərinin əlavələri hesab edilirlər”.

 

O ki, qaldı Ukrayna seçkiləri və ölkəmizlə müqayisələrin axtarılmasına, Ə.Məhərrəmli bildirib ki, Ukrayna və Azərbaycan arasında münasibətlər hər zaman yüksək səviyyədə olub:

 

“Eyni zamanda, hər iki ölkə hərbi təcavüzə məruz qalıb, ərazi bütövlüyü pozulub. Yəni şərait ölkələrimizi təbii müttəfiqə çevirib. Sadəcə, əməkdaşlıq potensialından səmərəli istifadə olunmalıdır”.

 

Ekspert Ukrayna seçkilərinin ikinci turunda Petro Poroşenkonun daha şanslı olduğunu qeyd edərək, deyib ki, Qərb onun növbəti dəfə seçilməsinə xeyir-dua verib.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

İlqar Altaydan dövlətə, vətənə yeni dəstək formatı - TƏKLİF

"Beynəlxalq terrorizmlə mübarizə” mövzusunda keçirilən konfransda

AXH parçalanıb - bu da belə getdi...

Jurnalistlərimiz Dağlıq Qarabağa niyə GETMƏLİDİR?

"Avropa İttifaqı Ancelina Coliyə İrandan daha çox pul ayırır"” 

İsveçdən Azərbaycana güzgü tutan yazıçı: Kimi aldadırıq ki?

“Ceyhun Bayramovun nazir vəzifəsində qalması Azərbaycan təhsilini daha da məhv edəcək” - ÖZƏL

Bulvara giriş bağlanır

Gülnarə Səlimovanı təqdim edən tələbə yüksək balla qiymətləndirilib

İncitdiyiniz insanların sayı-hesabı yoxdur

Cəbhədən XƏBƏR VAR - Erməni təxribatı davam edir