Müsavat Partiyasında növbəti qalmaqal

16:18 17-04-2019 | icon 43 | Siyasət
Müsavat Partiyasında növbəti qalmaqal

İdeya müəllifi kimi Arif Hacılının adı çəkilir

 

Versus.Az Cebhe.info-ya istinadən xəbər verir ki, partiya funksionerləri arasında yaşanan qalmaqalda ideya müəllifi kimi Müsavat Partiyasının başqanı Arif Hacılının adı çəkilir.

 

Müsavat Partiyasının funksioneri Yadigar Sadıqlı özünün "Facebook" səhifəsində yazıb:

 

"Məni satqın, öyrədilmiş, Müsavatı parçalayan elan etmək uğrunda yarış gedir"

 

“Müsavat Partiyası üzvlərinin qapalı qrupunda başqan Arif Hacılının xeyir-duası ilə məni satqın, öyrədilmiş, Müsavatı parçalayan elan etmək uğrunda yarış gedir. Kimlərin etdiyini soruşmayın, əksəriyyətini heç tanımazsınız, profillərində hakimiyyət əleyhinə söz tapmazsınız”.

 

Müsavat Partiyasının Məclis üzvü Könül Şamilqızı da narazılardandır. Könül Şamilqızı sosial şəbəkədə digər nazrazıların da adını çəkib.

 

 

"Hamının çıxışını verib Yadigar Sadıqlının çıxışını “senzura”ya uğradanlar..."

 

“Tofiq Yaqublu Müsavat başqanının müavini olaraq Amerikada görüşlər keçirəndə tək cümləlik xəbər yazmayanlar, Müsavat Partiyasının qərərgahındakı tədbirdən hər kəsin şəklini və adını verib, “nədənsə” Qadınlar Təşkilatının sədri və Divan üzvü Alya Yaqublunu “unudanlar”, Məclis üzvü Könül Şamilqızı Leyla Rəsulzadənin məzarını tapanda ən yuxarı səviyyədə “hələ yoxlamaq lazımdır” deyib “zəhmətkeşlərə” publik şəkildə “yalandır” yazdıranlar və bu qədər səs gətirən bir xəbərə öz media orqanlarında kor olanlar, Novxanıda hamının çıxışını verib Divan üzvü Yadigar Sadıqlının çıxışını “senzura”ya uğradanlar indi durub çox rahat bir şəkildə hansısa “uğur hekayələrinin” paylaşılmamasından giley güzar edirlər”- deyə, K.Şamilqızı qeyd edib.

 

K.Şamilqızı Müsavat Partiyasının Avropa qolu hesab edilən AKM-ə etiraz etdikləri üçün onların hədəf alındığına da işarə vurub:

 

“Məhz Müsavat Partiyasının zəiflədilməsinə, dərnəkləşdirilməsinə etiraz etdiyi, başımıza açılan AKM oyununa qarşı çıxdığı üçün “düşmən”, “xain”, “separatçı”, “hakimiyyətə işləyən”, “hakimiyyətdən pul alan”, “hakimiyyəti icazəli təndiq edən” iftiralarına məruz qoyduqları adamlardan “niyə bizim paylaşımlarımızı bəyənmirsiz” tələbində bulunurlar.

Hələ biri var, “işimi itirərəm” deyə Müsavat Partiyası ilə bağlı bir cümlə yazmır, dindirəndə “mübarizə "Facebook"da olmur” deyir, amma işini, azadlığını, imkanlarını Müsavat üçün mübarizədə itirən Elmana, Yadigara, Tofiqə, Alyaya dil uzadır”. 

 

Maraqlıdır, Müsavat Partiyasında nə baş verir? 

 

Partiyanın Divan üzvü Razim Əmiraslanlı açıqlamasında məsələyə aydınlıq gətirib: 

 

"Partiyada hətta başqana da etiraz edənlər olur"

 

“Müsavat Partiyasında heç bir problem yoxdur. Bunu çox səmimi deyirəm. Yadigar Sadıqlının sözləri obrazlı desək, “dırnaqdan başa” böhtandır. Elə bir şey yoxdur. Arif Hacılı heç bir zaman kiməsə qarşı kampaniya aparılmasına nəinki göstəriş verməz, heç bunu ağlından belə keçirməz. Bilmirəm, Yadigar bunu nəyə əsasən deyir, amma Müsavat Partiyasından kimsə kimisə tənqid edə bilər, dediyi sözə, davranışına görə, lakin bu, o demək deyil ki, buna kimsə göstəriş verib”.

 

Razim Əmiraslanlı Könül Şamilqızının dediklərini də “absurdun absurdu” adlandırıb: 

“Müsavat Partiyası çox demokratik bir təşkilatdır. Bunu bütün cəmiyyət bilir. Müsavat Partiyasında fikir ayrılığı ola bilər, amma kiməsə qarşı kampaniya aparmaq gerçəkdən absurddur. Belə bir hal nəinki yoxdur, heç ola da bilməz. Müsavat monolit bir təşkilatdır. Partiyada hətta başqana da etiraz edənlər olur, yəni demokratik bir təşkilatdır. Qətiyyətlə deyirəm ki, belə bir hal ola bilməz”.

 

Versus.Az

Xəbər lenti

InvestAZ

Ən çox oxunan xəbərlər

Olimpiya çempionumuzun Xətai rayon icra başçısından kiçik istəyi

Prezidentimizdən xahiş edirəm - ÜRƏYİM PARTLAYIR

Jurnalistlərimiz Dağlıq Qarabağa niyə GETMƏLİDİR?

Avropaya inteqrasiya müxalifəti bir araya gətirdi.

Tarix DAĞLIQ QARABAĞda qalanan alovdan danışacaq

"Beynəlxalq terrorizmlə mübarizə” mövzusunda keçirilən konfransda

AXH parçalanıb - bu da belə getdi...

Uşaqları internetdən uzaq tutmayaq

İncitdiyiniz insanların sayı-hesabı yoxdur

Ermənistanın Qarabağ iştahı artır

"Filə səs vermək istəyirdim, amma çiçəyə səs vermişəm"

Əli Kərimli-İlqar Məmmədov müqayisəsinə cavab

"Avropa İttifaqı Ancelina Coliyə İrandan daha çox pul ayırır"” 

İsveçdən Azərbaycana güzgü tutan yazıçı: Kimi aldadırıq ki?

“Ceyhun Bayramovun nazir vəzifəsində qalması Azərbaycan təhsilini daha da məhv edəcək” - ÖZƏL