"Sovetski"də sökülən evlərə görə verilən kompensasiya artırıla bilər

13:52 16-03-2018 | icon 70 | Sosial
"Sovetski"də sökülən evlərə görə verilən kompensasiya artırıla bilər

“Qəzalı vəziyyətdə olan və sökülməsi nəzərdə tutulan keçmiş "Sovetski" ərazisində və ətrafda yerləşən binalarla bağlı manatın devalvasiyaya uğradığını nəzərə alaraq, gözləmək olardı ki, hökumət kompensasiyasını bir qədər artıracaq. Lakin hələ də əvvəlki illərdə hesablanan məbləğ təklif olunur - 1500 manat. Nəzərə alsaq ki, bu ərazilərdə kiçik həcmli evlər kifayət qədərdir, yaxşı olardı ki, onların sahiblərinə pul əvəzinə təzə tikilən binalarda hazır evlər verilsin”.

Versus.az xəbər verir ki, bu təkliflə Milli Məclisin bu gün keçirilən iclasında Nazirlər Kabinetinin hesabatının müzakirəsi zamanı deputat Elmira Axundova çıxış edib. O bildirib ki, belə təcrübədən artıq istifadə olunub:

“Bildiyimə görə, dövlət hesabına tikilən belə evlərin 1 kvadrat metri təmirlə birlikdə 500 manata başa gəlir, yəni dövlət hər kvadrat metrdə 1000 manata qədər qənaət edə bilər. Nəticədə ölkə büdcəsində xeyli miqdarda vəsait qalacaq, həm də insanlar razı olacaqlar. O ki qaldı nisbətən böyük evlərin sahiblərinə, yəni evinin sahəsi 60-80 kvadrat metrdən yuxarı olanlara, onlara verilən kompensasiyanın həcmi manatın inflyasiyası nəzərə alınmaqla, heç olmasa 2000 manata çatdırılmalıdır. Bu, sosial cəhətdən ədalətli olardı”.

Deputat onu da bildirib ki, son vaxtlar Bakının mərkəzi küçələrində səkilər dəyişdirilir, əlillər üçün lazımlı olan panduslar qoyulur:

“Bu, yaxşı haldır. Amma yaxşı olardı müvafiq qurumlar Bakının ikinci dərəcəli küçələrinə də nəzər salsın, çünki Bakının mərkəzi küçə və prospektlərindən başqa ikinci, üçüncü dərəcəli yollarında asfalt örtüyü bərbad vəziyyətdədir, çala-çuxurlar əmələ gəlir, səkilərdə isə ümumiyyətlə rahat hərəkət etmək olmur. Bu da həm insanların rahatlığına mane olur, həm də Bakının imicinə xələl gətirir. Ələlxüsus nəzərə alsaq ki, Bakı turizm məkanına çevrilməkdədir, buna diqqət edilməlidir. Digər məsələ isə yeraltı təbii sərvətlərimizin potensialının düzgün qiymətləndirilməsi ilə bağlıdır. Onların hasilatı və istismarı ilə bağlı qərarlar qəbul edərkən tələskənliyə yol vermək olmaz. Dövlətin bundan maksimum faydalanmasına nail olunmalıdır”.

Xəbər lenti

InvestAZ

Ən çox oxunan xəbərlər

ADNSU-nun 2-ci korpusu da əsaslı təmir olunacaq

“Əgər Qərb öz istədiyi şəxsi Sarkisyanın yerinə baş nazir təyin etsə…”

Arif Paşa: “Bakıda bizim mücadiləmizi nə görən, nə də harayımıza yetən yox idi” - MÜSAHİBƏ 1

Akif Əlizadə adına təqaüd

Aprel qazisi özünü öldürüb

Lamiyə Rzayeva: “Ölkəmizdə sosial işlə bağlı yanlış yanaşma var”

“Mənə dedilər ki, Rəhim Qazıyev sənə nifrət edir” – MÜSAHİBƏ 2

Arif Hacılı: “Namizədlər Müsavatı, Milli Şuranı hədəf seçmişdilər” - MÜSAHİBƏ

Ertələnən seçkilərdə iştirakçılıq

“Autizm problemləri və erkən müdaxilə tədbirlərinin əhəmiyyəti” - MÜZAKİRƏ

Rus dilinin tədrisi təklif olunub

Türkiyədə - ETİRAZ BƏYANATI

"Bakıda ən çətini tormozlamadır"

Politoloq: Erməni müxalifəti Qarabağ məsələsində daha da radikal mövqe tutub - MÜSAHİBƏ

Sabah baş nazirin təsdiqlənməsi məsələsinə baxılacaq