“Dağlıq Qarabağ məsələsində diplomatik hücuma keçməliyik”

23:06 19-03-2018 | icon 121 | Siyasət
“Dağlıq Qarabağ məsələsində diplomatik hücuma keçməliyik”

“Maliyyə dairələri var ki, separatçılara dəstək verirlər”

 

Forum Dağlıq Qarabağ münaqişəsinin həll olunmasına mexaniki təsir etməsə də, Azərbaycan reallıqlarının dünyaya çatdırılması baxımından çox əhəmiyyətlidir”.

Bunu Versus.az-a politoloq Fikrət Sadıqov VI Qlobal Bakı Forumunun Dağlıq Qarabağ münaqişəsi ilə bağlı Azərbaycanın haqq səsinin dünya ictimaiyyətinə çatdırılması baxımından nə dərəcədə əhəmiyyətli olmasına dair şərhində bildirib.

Politoloq bildirib ki, Bakı bir sıra beynəlxalq tədbirlərə ev sahibliyi edib və ölkəmizə gələn bütün qonaqlar Azərbaycanın sülhpərvərliyinin  şahidi olublar:

 

Bu problemi ölkəmizə gələn ölkə nümayəndələri, dövlət başçıları, eləcə də ictimai xadimləri həll etməyəcək. Çünki Dağlıq Qarabağ münaqişəsini həll etməyə qadir olan üç əsas aparıcı dövlət var. Lakin Forumda iştirak edənlər Azərbaycan həqiqətlərini öz ölkələrinə aparıb lazımı auditoriyalarda səsləndirəcəklər ki, bu da ölkəmizin xeyrinədir”.

 

F.Sadıqov müsbət məqam kimi Azərbaycanın ərazi bütövlüyünün bütün beynəlxalq strukturlar tərəfindən tanınmasını qeyd edib. O, bildirib ki, əgər Azərbaycan bir ölkə olaraq heç bir beynəlxalq layihə həyata  keçiməsəydi, bu problem daha mürəkkəb vəziyyətə gətirib çıxara bilərdi:

 

“Biz Dağlıq Qarabağ məsələsində diplomatik hücuma keçməliyik. Bir sıra aparıcı dövlətlərlə yaxından çalışmalıyıq. Eyni zamanda, yaddan çıxarmamalıyıq ki, bir çox ölkələrdə güclü erməni dairələri, erməni lobbisi, maliyyə dairələri var ki, separatçılara dəstək verirlər”.

 

Politoloq Azərbaycanın rəsmi mövqeyinin bir daha Forum iştirakçıları olan 50-dən çox ölkə nümayəndələrinə bəyən edildiyini önə çəkib:

 

“Qlobal Bakı Forumunda dövlət başçımız çıxışında beynəlxalq  qətnamələrin beynəlxalq təşkilatlar tərəfindən yerinə yetirilmədiyini önə çəkdi. Bəyan edildi ki, beynəlxalq hüquq normaları pozulur, separatçı rejimə təziq olunmur. Danışıqlar prosesinin əbədi olmadığı və nə vaxtsa buna son qoyulmalı olduğu qeyd olundu. Bu fikirlər hər bir layihədə olduğu kimi, Qlobal Forumda da önə çəkildi və qəti mövqeyimiz bir daha dünyaya açıqlandı”.

 

Təbiət Kamil
Versus.Az

Xəbər lenti

InvestAZ

Ən çox oxunan xəbərlər

"Süni əngəl və maneələrə yol verilməməlidir"

"Bəzi şəxslər hakimiyyətin yıxılması üçün işləyirlər" - MÜSAHİBƏ

“ALDP Kuboku” uğrunda nərd yarışı - QALİBLƏR

"Bu, əsl erməni həyasızlığı idi"

Trampla görüşməkdən imtina etdilər

Əsir və girov götürülən uşaqlarla bağlı film çəkilir

“BƏZİ TƏXRİBATÇI SAYTLAR AZƏRBAYCANA HÜCUM ÇƏKİR”