Etibar Məmmədov: "Bu quruma qarşı sərt reaksiya hakimiyyət tərəfindən verilməlidir"

"ATƏT-in Minsk qrupunda olan dövlətlər daim ermənipərəst mövqe sərgiləyib və torpaqların işğaldan azad olunması istiqamətində hər hası fəaliyyət sərgiləməyiblər. ATƏT-in Minsk qrupunun Azətbaycanla bağlı bu cür münasibətinə qarşı hökumətdən kəskin reaksiya bildirilməlidir".

Bunu AMİP lideri Etibar Məmmədov Versus.Az-a Dağlıq Qarabağ separatçılarının referendum keçirməsi ilə bağlı sərsəmləməsinə ATƏT tərəfindən sərgilənən səthi, erməniləri dəstəkləyici reaksiyası ilə bağlı açıqlamasında bildirib.

AMİP lideri Qarabağ separatçılarına qarşı beynəlxalq təşkilatın mövqeyinə etiraz olaraq ADP-nin ATƏT-in Minsk Qrupunun münaqişənin həllində vasitəçi kimi rədd edilməsi, tanımaması ilə verdiyi bəyanatını birmənalı qarşılamayıb.

E.Məmmədov "Minsk Qrupunu ADP, Sərdar Cəlaloğlu yaratmayıb ki, o da ondan imtina etsin"- deyə, bu quruma qarşı sərt reaksiyanın hakimiyyət tərəfindən verilməli olduğunu vurğulayıb.

TAHİRƏ
Versus.Az