Regional məntəqələrdə toplanan yunun Sumqayıtdakı fabrikə təhvil verilməsinə başlanılıb

11:59 26-09-2019 | icon 70 | İqtisadiyyat
Regional məntəqələrdə toplanan yunun Sumqayıtdakı fabrikə təhvil verilməsinə başlanılıb

Regional məntəqələrdə toplanan yunun Sumqayıtdakı fabrikə təhvil verilməsinə başlanılıb. “Azərxalça” Açıq Səhmdar Cəmiyyəti respublikamızın bölgələrində yun tədarükünü davam etdirir.

 

“Azərxalça” Açıq Səhmdar Cəmiyyətinin mətbuat xidmətindən Versus.Az-a verilən məlumata görə, tədarükçülər ölkəmizin bütün bölgələrindən aldıqları yunu Naxçıvan şəhərində, Bərdə, Qobustan, Sabirabad və Şabran rayonlarında fəaliyyətə başlayan regional yun və boyaq bitkilərinin tədarükü məntəqələrinə təhvil verirlər. Bu məntəqələrdə il ərzində 1500 ton çirkli yun qəbulu həyata keçiriləcək.

 

Regional məntəqəyə gətirilən məhsul rənginə və ölçüsünə görə çeşidlənir. Yun çeşidləndikdən sonra onların üzərinə xüsusi yarlıqlar vurulur. Həmin yarlıqda yunun rəngi, qəbul tarixi, hansı rayondan alındığı, çəkisi, növü (qaba və incə), nəmliyi barədə məlumatlar öz əksini tapır.

 

Məntəqələrdə toplanan yun Sumqayıtdakı Yunəyrici-Boyaq Fabrikinə gətiriləcək. Müəyyənləşdirilmiş istehsal proseslərdən sonra yunun bir hissəsi 250 ton iplik əldə etməyə sərf olunacaq. Burada 350 ton təmiz yun istehsalı nəzərdə tutulub ki, bu da xammal kimi satışa çıxarılacaq.

 

Sentyabrın 25-də Yunəyrici-Boyaq Fabrikinə yunun təhvil verilməsi prosesinə başlanılıb.

 

“Azərxalça” Açıq Səhmdar Cəmiyyəti İdarə Heyətinin sədri Vidadi Muradov fabrikə yun qəbulu prosesi ilə maraqlanıb. Bildirilib ki, ilk olaraq Qobustan regional yun və boyaq bitkilərinin tədarükü məntəqəsində toplanan yun fabrikə təhvil verilir.

 

Fabrikdə görülən işlərlə də tanış olan İdarə Heyətinin sədrinə məlumat verilib ki, artıq burada əsas tikinti işləri başa çatdırılıb. Fabrikə qəbul ediləcək yunun yuyulması, qurudulması, daranması, əyrilməsi və boyanması üçün nəzərdə tutulan istehsalat sahələri avadanlıqların quraşdırılmasına tam hazır vəziyyətə gətirilib. Bu günlərdə avadanlıqların quraşdırılmasına başlanılacaqdır.

 

İdarə Heyətinin sədri məntəqələrə və fabrikə yun qəbulu zamanı müəyyənləşdirilmiş standartlara ciddi əməl olunması, fabrikdə avadanlıqların quraşdırılması işinin sürətləndirilməsi barədə tapşırıqlar verib.

 

Versus.Az

Xəbər lenti

InvestAZ

Ən çox oxunan xəbərlər

30 saylı Suraxanı birinci Seçki Dairəsindən deputatlığa qeydə alınmış namizədləri BƏYANAT yaydı

İrəvanda Xocalı soyqırımı ilə bağlı sorğu - Türk bloqqer Ermənistanda+Video

Bu, düz bağırsaq xərçənginin əlaməti də ola bilər

Ermənilər Laçın və Kəlbəcərdə 27 ev, yeni məktəb binası tikir - FOTO

Bu Milli Məclisdə 9 partiya təmsil olunacaq - SİYAHI

Atəşkəs rejimi 22 dəfə pozulub

Futboldakı problemləri açıb tökdü

Prezident İlham Əliyev Avropa çempionatında uğur qazanan güləşçilərimizi təbrik edib

Sabahın hava proqnozu

Milli Məclisə yeni sədr seçiləcək

Mehriban Əliyeva güləşçilərimizi təbrik etdi 

Ermənilər Xocalıda at oynadır

"Millimizin yeni baş məşqçisi əcnəbi olacaq"

Sevgi romanı" bədii filminin qala gecəsi keçirildi

Yerevandan Xocalı aeroportu ilə bağlı AÇIQLAMA: