“Aprel zəfərindən ötən hər gün üçün bir ağac əkək”

Təhsil və Müdafiə nazirlikləri 2016-cı ilin aprel ayında Azərbaycan ordusunun qazandığı tarixi qələbəyə həsr olunmuş “Aprel zəfərindən ötən hər gün üçün bir ağac əkək” devizi altında Pirəkəşkül qəsəbəsində yerləşən “N” saylı hərbi hissədə ağacəkmə kampaniyası keçirilib.

Versus.az xəbər verir ki, ağacəkmə kampaniyasında Təhsil və Müdafiə nazirliklərinin rəhbər işçiləri, aprel döyüşləri şəhidlərinin və iştirakçılarının ailə üzvləri, şagirdlər, tələbə-könüllülər və KİV nümayəndələri iştirak ediblər. Aksiya çərçivəsində 730 ağac əklib.

Mərasimdə Azərbaycanın Milli qəhrəmanları Samid İmanov, Murad Mirzəyev, Ürvan Vəlizadən və qazi Azər Məmmədov da iştirak edib.

Qeyd edək ki, tədbirin keçirilməsində məqsəd Azərbaycanın hərb tarixinin zəfər səhifəsi olan aprel döyüşlərinin ikinci ildönümünün qeyd edilməsi, yeniyetmə və gənclərdə vətənpərvərlik ruhunun artırılmasına töhfə verilməsidir.