“Dünya 5G-yə keçir, Azərbaycanda isə doğru-dürüst 3G də yoxdur”
AXCP sədri mobil operatorların “soyğunçuluğundan” danışdı
“İnternet nəinki Gəncədə, bütün Azərbaycanda bərbaddır. “Azercell” və “Bakcell”-in də interneti çox bərbaddır”.
Versus.Az xəbər verir ki, bunu açıqlamasında AXCP sədri Razi Nurullayev bildirib.
“Öncəki illər sürətli və kəsilməz internet dövründə yaşamışıq, xəbərimiz olmayıb” deyən partiya sədri qeyd edib ki, internet günü-gündən zəifləyir, sıradan çıxır:
“Həqiqətən bunu daha gizləmək də mümkün deyil. Hazırda bu sahədə inkişaf yoxdur və yeni layihələrin həyata keçirilməsi barədə də heç bir tərpəniş görünmür, məlumat yoxdur”.
R.Nurullayev bildirir ki, mobil operatorlar da abunəçiləri bir tərəfdən soymaqla məşğuldur. Partiya sədri hesab edir ki, zənglər həm də internet üzərindən edilir deyə, vətəndaşları soymaq üçün hiylələr işlədirlər:
“Normal düşüncə isə internet əsrində sürətli internet xidmətlərinin göstərilməsi olmalıdır. Dünya 5G-yə keçir, heç Azərbaycanda doğru-dürüst 3G yoxdur. Kimlərsə, düşünürsə ki, onlarda var, demək ki, seçilmişlərdir və onlar üçün xüsusi imtiyazlar yaradılıb. O katerqoriya insanlar sadə Azərbaycan xalqına aid deyillər. Sadə xalq Bakının əyalət yerlərində, kəndlərində, qəsəbələrində, rayonlarında və rayon kəndlərində yaşayır”.
SEVDA
Versus.Az
Xəbər lenti
Daha bir bank BAĞLANIR
Depozitlərin və kreditlər portfelinin azalması da...