Dünya ədəbiyyatından, xalqımızın yetirdiyi şair və yazıçılardan, gənc yazarlarımızın yaradıcılığından danışdılar

"Azərbaycan Yazıçılar Birliyində dəyərli ziyalı, ictimai-siyasi xadim, partiya sədri, ədəbiyyata və ədəbiyyat adamlarına yüksək dəyər verən AXCP sədri Razi Nurullayev ilə tanınmış yazıçı, mədəniyyət xadimi Qəşəm Nəcəfzadənin görüşü oldu. Maraqlı söhbətlər, müzakirələr aparıldı".

Bu barədə Versus.Az-a AXCP sədr müavini Tural İrfan məlumat verib:

"Razi bəy Qəşəm müəllimlə dünya ədəbiyyatından, xalqımızın yetirdiyi şair və yazıçılardan, gənc yazarlarımızın yaradıcılığından danışdılar, fikir mübadiləsi oldu. Qəşəm Nəcəfzadə əsərlərinin xarici dillərə tərcümə edilməsindən, bir neçə ölkədə kitablarının nəşr olunmasından danışdı".

T.İrfan vurğuladı ki, Q.Nəcəfzadə öz kitablarını hədiyyə edib və dəyər verdiyinə görə Razi bəyə minnətdarlığını ifadə edib:

"Mən də fürsətdən istifadə edərək soyqırımlar haqda yazdığım "Kamikadze 1" romanımı yazıçıya bağışladım.

Tanınmış şair Dayandur Sevgin də Razi bəylə görüşüb səmimi şəkildə onu salamladı...

Həmçinin AYB-nin Gənclər üzrə katibi, ictimai xadim Rəşad Məcidlə də görüş oldu. Görüşlər maraqlı və yaddaqalan söhbətlərlə yekunlaşdı".

SEVDA
Versus.Az