Göyçayda yetişdirilən hind narı - FOTO
Azərbaycanda ilk dəfə olaraq hind narını yetişdirən Göyçay şəhər sakini Rafiq Xəlilov olub.
Versus.Az Oxu.az-a istinadən xəbər verir ki, onun oğlu Natiq Xəlilov bölgə müxbiri ilə söhbətində bildirib ki, nar bir çox xəstəliklərin dərmanıdır. Dünyada hind narı kimi tanınan, türklərin “Qüdrət narı” adlandırdığı yeni sort da bunlardan biridir.
N.Xəlilov qeyd edib ki, narın toxumları Hindistandan gətirilib. Toxumlar əvvəlcə xüsusi qablarda yetişdirilib, sonra əldə olunan şitillər bağ torpağına köçürülüb.
Başqa sortlarla müqayisədə tez yetişən hind narı qeyri-adi görünüşə, dada və rəngə malikdir. Hind narının dənələri qırmızı olsa da, adi nar dənələrindən böyükdür.
Xatırladaq ki, hind narı bir neçə dəfə Göyçayda keçirilən nar bayramında nümayiş etdirilib.
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb