"Azərbaycan Rusiya və Türkiyə arasında tərəfdaşlıq münasibətlərini dəstəkləyir"

Bakı Azərbaycanın strateji tərəfdaşları olan Rusiya və Türkiyə arasında dostluq münasibətlərini dəstəkləyir.

Versus.Az xəbər verir ki, buni Milli Məclisin deputatı Rasim Musabəyov Trend Beynəlxalq İnformasiya Agentliyinin mətbuat mərkəzində keçirilən “Azərbaycan-Rusiya-Türkiyə: siyasi dialoq, iqtisadiyyat, təhlükəsizlik” mövzusunda beynəlxalq konfrans zamanı deyib.

Onun sözlərinə görə, Azərbaycan, eyni zamanda Bakı-Moskva-Ankara müstəvisində üçtərəfli əməkdaşlıq formatını tam şəkildə dəstəkləyir:

“Eyni zamanda, regionda kiçik ölkələr da var ki, məsələn, Ermənistan - böyük dövlətlərin rəqabətindən faydalanmağa çalışır”.

Deputat bildirib ki, üç regional dövlət arasında əməkdaşlığın güclənməsi onların hər biri üçün faydalıdır, bu əməkdaşlıq regionun sabitliyin və enerji təhlükəsizliyinin qorunmasına yönəlib:

“Hər üç dövlət regionun siyasi sabitliyinin möhkəmlənməsi və iqtisadi inkişafı üçün səy göstərir. Bu, üçtərəfli əsasda münasibətlərin özülünün möhkəmləndirilməsi üçün əsas amildir”.

Versus.Az