"Parlament seçkiləri də növbədənkənar keçirilə bilər" - ALDP hazırlaşır

"Qanun pozuntuları ilə bağlı qeydlər aparılmalıdır"

Azərbaycan Liberal Demokrat Partiyasının (ALDP) sədri Fuad Əliyev Sədr Aparatının iclasını keçirib.

Versus.az xəbər verir ki, iclasda növbədənkənar prezident seçkiləri, qarşıdan gələn bələdiyyə və parlament seçkiləri müzakirə olunub. ALDP sədri Fuad Əliyev bildirib ki, partiya olaraq qarşıdan gələn bələdiyyə və parlament seçkilərinə hazırlaşmaq lazımdır:

"Belə bir ehtimal var ki, növbədənkənar prezident seçkilərindən sonra növbədənkənar parlament seçkiləri keçirilsin. Biz buna hazır olmalıyıq və indidən seçkilərdə iştirak edən namizədləri müəyənləşdirməliyik”.

ALDP sədri növbədənkənar prezident seçkilərində Azərbaycan Demokrat Partiyası adından iştrak edən vəkilərin və müşahidəçilərin seçki günü qanun pozuntuları olduğu halda, qanun çərçivəsində qeydlərin aparılmasını və ADP seçki qərargahına operativ məlumatlandırmaq tapşırığını verib.