Qənirə Paşayeva İspaniyada Zəhranın ölümündən danışıb

Millət vəkili Qənirə Paşayeva İspaniyada Beynəlxalq Forumda çox sayda ölkə heyətlərinə işğalçı Ermənistanın qətlə yetirdiyi balaca Zəhradan danışıb.

Millət vəkili Qənirə Paşayeva İspaniyada Crans Montana Forumunun 28-ci illik sessiyası çərçivəsində Malavi Parlament sədrinin 1-ci müavini Estber Mcheka Chilenjeye, Beninin Gənclər və İdman naziri Osvald Homeky, Nigeriya, Mərakeş, Eritreya və Kamerun nümayəndə heyətləri ilə görüşüb və görüşdə işğalçı Ermənistanın qətlə yetirdiyi 2 yaşlı balaca Zəhradan və Ermənistanın cinayətlərindən danışıb.

Millət vəkili Qənirə Paşayeva bütün dünya ictimaiyyəti etnik və dini kimliyindən asılı olmayaraq bu cinayətlərə etiraz səslərini yüksəltməlidir deyib və beynəlxalq ictimaiyyəti Ermənistanın vandalizm aktlarına səssiz qalmamağa çağırıb.

Qənirə Paşayeva onlara Ermənistanın işğalçılığı üzündən evinə dönə bilməyən 1 milyon azərbaycanlı qaçqın və məcburi köçkün barədə və Ermənistanın yerinə yetirməkdən imtina etdiyi beynəlxalq təşkilat qətnamələri barədə də geniş məlumatlar verib.