"Bu yeniliklər Milli Məclisin tərkibində də öz əksini tapmalıdır"
Əlabbas Məhərrəmli: "Yəqin ki, yaşlı və artıq dəfələrlə mandat almış deputatlar da Prezidentin bu çağırışına adekvat davranacaqlar"
“Hesab edirəm ki, pensiya yaşına çatmış, hər halda 70 yaşını keçən iqtidarda təmsil olunanlar da yəqin ki, sizin nümunənizi təkrar edəcəklər. Hər halda mən buna ümid edirəm”. Bu sözləri cənab prezident İlham Əliyev baş nazirin sabiq müavinləri Əli Həsənov və Hacıbala Abutalıbovu istefa ərizələri yazdıqdan sonra qəbul edərkən səsləndirib.
Versus.Az-ın məlumatına görə, bu sözləri açıqlamasında siyasi ekspert Əlabbas Məhərrəmli deyib.
Ekspert bildirib ki, bu acıqlama cəmiyyətdə maraqla qarşılanmaqla yanaşı, həm də müsbət reaksiya doğurub:
"Eyni zamanda, bu addım aparılan islahatların tərkib hissəsinə çevrilməlidir. Yəni dövlət başçısının qeyd etdiyi kimi, islahatların tempi ilə ayaqlaşa bilməyən məmurlar “yol”dan çəkilmədirlər. Fikrimcə, prezidentin bu açıq eyhamını düzgün qiymətləndirə bilməyənlər sərəncamla təqaüdə göndəriləcəklər".
Ə.Abbasov hesab edir ki, bu yeniliklər tək icra strukturları ilə məhdudlaşmamalı, Ali qanunvericilik orqanı – Milli Məclisin tərkibində də öz əksini tapmalıdır:
"Yaşlı və artıq dəfələrlə mandat almış deputatlar Prezidentin həmin tövsiyəsini - eyhamını nəzərə almalıdırlar. Ancaq burada əsas məsələ seçicilərin mövqeyidir. Hər halda, yəqin ki, onlar da prezidentin bu çağırışına adekvat davranacaqlar. Gənclik enerjidir, təcrübə isə zamanla qazanılan keyfiyyətdir".
LƏMAN
Versus.Az
Xəbər lenti
Kirayəçilərə yeni hüquqlar verilir?
"Bu, kirayə müqaviləsi əsasında mümkündür"