Milli Qəhrəman Əsəd Əsədovun anım günüdür

Əsəd Soltan oğlu Əsədov 22 mart 1956-ci ildə Zəngilan rayonunun Turabad kəndində anadan olub.

Versus.Az xəbər verir ki, 1975-ci ildə Mincivan qəsəbə orta məktəbini bitirdikdən sonra Saratov vilayətinin Krasnokutsk şəhərindəki təyyarəçilik məktəbinin mülki aviasiya şöbəsinə daxil olub. 29 oktyabr 1991-ci ildə 9 nəfər döyüşçü ilə səmaya qalxıb. Xocalı aeroportuna köməyə can atan döyüşçülər Xanabad kəndi üzərindən uçarkən düşmən tərəfindən güclü atəşə tutulub. Cəsur komandir həmin uçuş zamanı heyət üzvləri ilə birlikdə həlak olub.

Zəngilan rayonunda dəfn edilib.

Ailəli idi. Dörd övladı yadigar qalıb.

Azərbaycan Respublikası Prezidentinin 25 noyabr 1992-ci il tarixliu 337 saylı Fərmanı ilə Əsədov Əsəd Soltan oğluna ölümündən sonra "Azərbaycanın Milli Qəhrəmanı" fəxri adına layiq görülüb.

Hazırda onun doğulduğu rayon erməni işğalı altındadır. Zəngilan rayonunun Turabad kənd orta məktəbi və Mincivan qəsəbəsindəki mərkəzi küçələrdən biri onun adını daşıyır.

Versus.Az