Məcburi köçkün birinci vitse-prezident Mehriban Əliyevadan kömək istəyir

18:22 02-11-2019 | icon 491 | Sosial
Məcburi köçkün birinci vitse-prezident Mehriban Əliyevadan kömək istəyir

Laçın rayonundan məcburi köçkün, hazırda Gəncə şəhəri, Gülüstan qəsəbəsi, Yeni Yasayis massivində yaşayan Cəbrayılova Raya Novruz qızı Azərbaycanın birinci xanımı, birinci vitse-prezident Mehriban Əliyevaya oğlunun yüksək çinli məmurlar tərəfindən aldanılması ilə bağlı şikayət ərizəsi yazıb.



Həmin ərizəni olduğu kimi təqdim edirik.

ƏRİZƏ

Yazib sizə bildiriəm ki, mən Laçın rayonundan məcburi köçkünəm, hal-hazırda Gəncə şəhəri, Gülüstan qəsəbəsi, Yeni Yasayis massivində yaşayıram. Artıq bir neçə ildir ki, onkoloji xəstəlikdən əziyyət çəkirəm.



Bu xəstəlik onsuz da məni və ailəmi maddi olaraq sıxıntılara salıb. Bu sıxıntılar azmış kimi son bir ildə-daha dəqiq desəm 18.12.2018 tarixindən bu günə kimi mənim oğlum Məmizadə Rəvan Əli oğlunun sadəlövhlüyündən və etibarından istifadə etmiş Naftalan rayonu İcra Hakiminin müavini Cabbarova Afət Hüsü qızı yüksək vəzifəli polis generalının adından, Xudiyeva Yaqut Rəşid qızı isə xalası oğlu – Goranboy rayonunun deputatı Mahir Aslanovun adından istifadə edərək güvən qazanmış və oğlumun bir qohumunu - Mahmudov Hüsü Əsgər oğlunu guya Dövlət Yol Polisi Xidmətinə bir həftə müddətində işə düzəldəcəkləri barədə söz vermiş və ondan yuxarıda göstərilən tarixdə 25000 AZN pul almışdırlar.



Onlar bundan əvvəl də bəzi insanları işə düzəltdiklərini deyərək yalançı etibarlarını daha da möhkəmləndirmişdirlər. Bir müddət sonra tam dəqiq aydın olanda ki, işə düzəltmə söhbəti tam yalan və dələduzluq imiş və verilən pul da artıq bu şəxslər tərəfindən geri qaytarılmır, mən özüm Afət xanımın qəbuluna yollandım. Mənimlə söhbətində bu xanım heç bir ittihamı qəbul etməmiş və sanki belə bir hadisənin olmadığını təkidlə bildirmişdir. Lakin oğlum pulu Yaqut xanımın evində Afət xanım da orda ola ola pulun ona çatacağı səbəbi ilə Yaqut xanıma vermişdir. Lakin sonradan Afət xanım bütün bunları təkzib etmiş və hətta oğlumu polisə verəcəyi barədə hədələmişdir.


Hörmətli Mehriban xanım çox təəssüflər olsun ki, yuxarıda qeyd etdiyim pul verilmə məsələsi ilə bağlı əlimizdə bir sənəd olmadığına görə hər iki xanım müəyyən adamların adından istifadə edərək oğlumu belə rahatlıqla təhdid edir və daha da təəssüflər olsun ki pulun verilməsi barədə sənəd olmadığından polis orqanları da bizim şikayətimizə baxmır. Əlbəttə ki,buna Polis orqanlarının tam hüququ çatır. Siz hər nə qədər yüksək vəzifəli rəsmi şəxs olsanız da mən bu məktubu sizə sırf sizin həmişə istər ümumi xalqa istərsə də fərdi şəxslərə göstərdiyiniz ədalətli köməyinizə və haqqın yerini tapması üçün heç bir güzəştə getməməyinizə görə yazıram. Bəli,mənim əlimdə heç bir sübut yoxdur ancaq mən sizin qeyri rəsmi ədalətinizə və mənə- xəstə və çarəsiz azərbaycan qadınına həqiqətən köməklik edəcəyinizə inanıram. Hörmətli birinci xanım,hər nə qədər bunlar ictimaiyyətdə dilləndirilməsə də,mən də digər Azərbaycanlılar kimi sizin,hörmətli Cənab Prezidentin və qızınız Leyla xanımın saysız hesabsız çarəsiz insanların son ümid yeri olaraq onlara hərtərəfli köməklik göstərdiyinizi bilirəm.



Çox xahiş edirəm ki, mənim də bu çarəsiz səsimi duyasınız və mənim sadəlovh oğlumdan sui istifadə edərək onun etibarını zədələyən,bir ildir ki onun da mənim də həyatımızı zəhər edən bu özbaşına və dələduz insanları aldıqları pulu geri ödəmələrinə məcbur edəsiniz. Bilin ki, bu qeyri-ədalətli məsələdə ədalətin bərpası üçün yeganə və son ümid bu məktub və siz hörmətli Mehriban xanımsınız.

Ərizədə ittihamlanan şəxslərin mövqelərini də dərc etməyə hazırıq.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Ən sürətli qol

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin