Dövlət Şəhərsalma və Arxitektura Komitəsinin kollegiyasının tərkibi yeniləndi

Azərbaycanın Baş naziri Əli Əsədov "Azərbaycan Respublikası Dövlət Şəhərsalma və Arxitektura Komitəsinin kollegiyasının tərkibi haqqında” qərarda dəyişiklik edilməsi barədə qərar imzalayıb.

Versus.Az xəbər verir ki, qərara əsasən, Azərbaycan Respublikası Dövlət Şəhərsalma və Arxitektura Komitəsinin kollegiya üzvlərinin sayı 13 nəfərdən ibarət müəyyənləşdirilib.

Kollegiyanın tərkibi sədrdən (Azərbaycan Respublikası Dövlət Şəhərsalma və Arxitektura Komitəsinin sədri), üzvlərdən (Dövlət Şəhərsalma və Arxitektura Komitəsinin sədrinin müavinləri, Naxçıvan Muxtar Respublikası Dövlət Şəhərsalma və Arxitektura Komitəsinin sədri, Azərbaycan Respublikası Dövlət Şəhərsalma və Arxitektura Komitəsinin Aparatının rəhbəri, Aparatın Hüquq və daxili nəzarət şöbəsinin müdiri, Bakı Şəhər Memarlıq və Şəhərsalma Baş İdarəsinin rəisi, Dövlət Şəhərsalma və Arxitektura Komitəsinin tabeliyində publik hüquqi şəxs statuslu Ərazi Tikinti-Planlaşdırma Mərkəzinin İdarə Heyətinin sədri, Dövlət Şəhərsalma və Arxitektura Komitəsinin “Azərmemarlayihə” Dövlət Baş Layihə İnstitutunun direktoru, Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru, Dövlət Şəhərsalma və Arxitektura Komitəsinin Azərbaycan İnşaat və Memarlıq Elmi-Tədqiqat İnstitutunun direktoru) ibarətdir.

Versus.Az