Bir zamanlar bir-birini asıb-kəsənlər bir arada

17:47 05-11-2019 | 129 | Gündəm

Siyasətin fitrətində var: kimin kimlə nə vaxt düşmən, nə vaxt rəqib, nə vaxt dost, nə vaxt müttəfiq olacağı bəlli olmaz. Gərək heç nəyi istisna etməyəsən.

Bu gün Müsavat Partiyasında hörmətlə qarşılanan, başdan yer göstərilən bu kişi - sabiq səhiyyə naziri Əli İnsanov 20 il öncə parlamentin plenar iclaslarında indi mehribanlıqla görüşdüyü adamlara edam cəzası, güllələnmə tələb edirdi.

Elə müsavatçı funksionerlər, yazarlar da onun haqqında sərt tənqidi fikirlər səsləndirirdilər, naziri korrupsiyada, yerlibazlıqda günahlandırıdılar.

Əli İnsanov onları faşist adlandırırdı, onlar da əsil faşistin onun özü olduğunu bildirirdi.

Ancaq gün gəldi, dövran döndü, Əli İnsanov da onların bir çoxunun, xüsusilə də liderlərin keçdiyi yoldan, həbsxanadan keçdi, dünyanın hər üzünü gördü.

İndi onların bir yerdə olması ona görə qəribə deyil ki, hədəfləri, bəyəndikləri, bəyənmədikləri adamlar eynidir.

Artıq onlar təbii müttəfiqlərdir. Həyat vaxtilə ayrı-ayrı qütblərdə duran, fərqli ritorikalarda danışan adamları gətirib müttəfiq edib. İndi onlar eyni cür danışacaqlar. /musavat.com/

Versus.Az