Fuad Əliyev: "Onlar bu yaşda yenidən vəzifədə olub kimə nə fayda verə biləcəklər?"
Azərbaycan Liberal Demokrat Partiyasının (ALDP) sədri Fuad Əliyev sosial şəbəkələrdə ona ünvanlanan bəzi sualları cavablandırıb.
Versus.Az-ın məlumatına görə, sualların əksəriyyəti hakimiyyətin son kadr islahatlarıyla bağlı olub.
ALDP sədri bunu islahat yox, sadəcə yerdəyişmə kimi qiymətləndirib:
"Son günlər hakimiyyətdə yenilənmə prosesi gedir. Nazirlər, İcara strukturlarında yaşlı olanları vəzifədən uzaqlaşdırıb cavanları gətirirlər. 37-40 yaşına qədər olanları vəzifələrə təyin edirlər. Ola bilər ki, onlar savadlıdırlar, amma bu rüşvətxor, korrupsiya sistemi onları "yiyəcək"".
Onun sözlərinə qörə, yeni təyinatla bərabər köklü islahatlar başlanmalıdır. Gömrükdə, vergidə islahatlar olmalıdır, rüşvət və korrupsiya kökündən yığışdırılmalıdır.
Hakimiyyət bölgüsünə toxunan Fuad Əliyev qeyd edib ki, birinci növbədə Nazirlər Kabineti bütövlükdə ləğv olunmalıdır. Prezident həmçinin icra strukturların rəhbəridir. Ona görə də Nazirlər Kabineti ləğv olunub onun funksiyaları 3 il bundan qabaq yaranan vitse-prezidentlik institutuna verilməlidir.
Təqaüd yaşına görə vəzifədən gedənlərə yenidən vəzifə verilməsinə münasibət bildirən ALDP sədri vurğulayıb ki, onların evdə oturub, nəvələriylə oynamaq vaxtları çoxdan gəlib:
"Onlar bu yaşda yenidən vəzifədə olub kimə nə fayda verə biləcəklər?"
Versus.Az
621 |
Siyasət
