“Təhlükəli biznes”

Versus.az xəbər verir ki, dünya premyerasından üç gün əvvəl Neş Edgertonun “Təhlükəli biznes” adlı filminin təqdimatı baş tutub.

Cəsur və uzunayaq sarışın – məhz o, təhlükəli biznes üçün ideal seçimdir. Günlərin bir günü onun tabeçiliyində olanların biri bütün dünyanın izinə düşdüyü unikal formula haqda öyrənir. O, öz qaçırılmasını səhnələşdirmək və qarşılığında şirkətdən pul istəmək qərarına gəlir. Lakin bu “ağıllının” rəhbərinin köməyinə güvənməməsi məsləhətdir, çünki şirkət üçün o diridən çox ölüdür.

Filmə baxarkən yenə də hamını düşündürən bir nəticəyə gəlirsən – dostluqda möhkəm olmaq, pula satılmamaq, bəlkə də həyatın ən mühüm qanunudur. Bu iki amil bumeranq kimi insanın hər zaman tutduğu əməllərin əksini yaşadır.

Rollarda Şarliz Teron, Amanda Sayfred, Alan Rak, Coel Edgerton, Gendi Nyuton çəkilib.

Ayəndə Dadaşova
Versus.Az