“Ölkədə yaranmış vəziyyət və çıxış yolları” - DƏYİRMİ MASA

09:26 18-04-2018 | 711 | Gündəm

Siyasi Əməkdaşlıq Mərkəzinin (SƏM) Sədrlər Şurasının növbəti yığıncağı keçirilib.

Bu barədə Versus.Az-a Azərbaycan Liberal Demokrat Partiyasının (ALDP) Mətbuat Xidməti xəbər verib. Yığıncaqda ALDP sədri Fuad Əliyev, KXCP sədri Mirmahmud Mirəlioğlu, Azadlıq Partiyasının sədri Əhməd Oruc, Aydınlar Partiyasının sədri Qulamhüseyn Əlibəyli, BAP sədri Elşad Musayev iştirak edib.

Məlumatda bildirilir ki, SƏM aprelin 24-də saat 14-00-da KXCP qərargahında “Ölkədə yaranmış vəziyyət və çıxış yolları” mövzusunda Dəyirmi Masa keçirmək barədə qərar qəbul edib. Tədbirə siyasi partiyalar, ictimai təşkilatlar və mətbuat nümayəndələri dəvət olunacaq.

Sədrlər Şurası ölkədə hakimiyyət təmsilçiləri tərəfindən sosial şəbəkələrin qapadılması ilə bağlı çağırışların intensivləşməsi məsələsini müzakirə edib. Bu çağırışların hakimiyyətin antidemokratik mahiyyətindən, totalitar təfəkküründən qaynaqlandığı bildirilib.

Yığıncaqda eyni zamanda ölkədəki içtimai-siyasi vəziyyət, gündəmin digər aktual məsələləri müzakirə olunub.

TƏBİƏT
Versus.Az