Şahmatçılarımız Avropa Kubokunda nə qədər pul qazanıb?

14:32 18-11-2019 | icon 98 | İdman
Şahmatçılarımız Avropa Kubokunda nə qədər pul qazanıb?

Xəbər verdiyimiz kimi, Monteneqronun Ultsin şəhərində keçirilən şahmat klubları arasında Avropa Kuboku başa çatıb.

 

Versus.Az xəbər verir ki, kişilərin yarışında “Vüqar Həşimov”, qadınlarda isə “Odlar Yurdu” medalsız qalıb.

 

Yeni yaranmış və debüt edən “Vüqar Həşimov” 10 xalla səkkizinci sırada yarışı bitirib. Komandamız ilk “altılığ”a düşsəydi, medal qazanmasaydı da, pul mükafatına yiyələnəcəkdi. Məsələn, altıncı yerin sahibi olan Norveçin “Volerenqa” klubuna 1000 avro pul verilib. 

 

Çempion olan “Obiettivo Rizarçimento” (İtaliya) 11 min, gümüş medalçı “Novı Bor” (Çexiya) 7 min, bürünc mükafatçı “Mednı Vsadnik” (Rusiya) 3500 avro qazanıb. Şəhriyar Məmmədyarovun çıxış etdiyi Makedoniya “Alkaloid”i dördüncü yeri tutduğuna görə 2 min və “Moskva” şahmat komandası beşinci pillənin sahibi olduğuna görə 1500 avro əldə edib. Səkkiz şahmatçı arasında 2 min avronun bərabər şəkildə bölüşdürüldüyünü nəzərə alsaq, Şəhriyar komanda yarışından cəmi 250 avro qazanıb. 

 

SOCAR-ın maliyyələşdirdiyi “Odlar Yurdu” isə pul mükafatına yiyələnə bilib. Son turda qalib gəlməklə xalını səkkizə yüksəldən və dördüncü sıranı tutan komandamıza 1500 avro verilib. Qızıl medalçı olan Batumi “Nona”sı 6 min, gümüş mükafatçı Kiyev Şahmat Federasiyasının komandası 4 min və üçüncü yeri tutan Monakonun “Şahmat Dairəsi” klubu 2500 avro pul mükafatına sahib çıxıb.

 

Xatırladaq ki, yeddi şahmatçımız fərdi mübarizədə medal qazanıb. Şəhriyar Məmmədyarov və Əhməd Əhmədzadə qızıl, Aydın Süleymanlı və Zeynəb Məmmədyarova gümüş, Rauf Məmmədov, Günay Məmmədzadə və Xanım Balacayeva bürünc medal qazanıblar. Şəhriyarla Əhmədin hər birinə buna görə əlavə 400 avro verilib. /Oxu.az/

 

Versus.Az

Xəbər lenti

InvestAZ

Ən çox oxunan xəbərlər

Bakı metrosu iyulun 20-dək İŞLƏMƏYƏCƏK

Molla saxlanıldı - VİDEO

Kuznetsovdan Bakıya töhfə: “Qarabağ” kanalı açıldı

icaze.gov.az-da icazəsi ləğv olunanların nəzərinə!

Məşədi İbadla hambala heykəl qoyuldu - FOTO

I sinfinə qəbul üçün məktəb seçiminə start verilir

Sizə icazə verilib-verilmədiyini belə yoxlayın - YENİLİK

Jalə İsmayılın Rumıniyada kitabı çıxdı

Sakit okean sahillərində zəlzələ oldu

Tofiq Hüseynov bu gün torpağa tapşırılacaq

Keşikçiyə zərbə dövlətə, millətə zərbədir

LAÇINLI DÜNYA ÇEMPIONUNU İTİRDİK

İlham Əliyev və xanımı modul tipli hospitalın AÇILIŞINDA

İraqda ABŞ səfirliyi atəşə tutulub

Daşqınlarda ölü sayı 24-ə çatdı