"İranda gərginliyin artması Azərbaycan üçün narahatedici durumdur"

"İranda gərginliyin artması Azərbaycan üçün narahatedici durumdur. Aksiyalarda yüzlərlə insanın ölümü vəziyyətin nə qədər ciddi olduğunu göstərir".

Bunu Versus.Az-a açıqlamasında AXCP sədr müavini Ehtiram Mehtiyev bildirib.

Hökumətin informasiya blokadasına baxmayaraq, sosial şəbəkələrdə bir neçə əyalətdə keçirilmiş aksiyalardan məhdud sayda dəhşətli görüntülərin olduğunu vurğulayan E.Mehtiyev hesab edir ki, indiki vəziyyətdə Azərbaycan iqtidarı və müxalifəti İrandakı məsələlərə ehtiyyatlı davranmalıdır:

"Çünki İran qonşu dövlətdir, İran ilə Azərbaycan arasında bir sıra layihələr və ticarət əlaqələri mövcuddur. İranın təsir dairələrini nəzərə alaraq, hökumət baş verəcək hər hansı prosesə hazır və diqqətli olmalıdır. Hesab edirəm ki, ən doğru yol budur".

SEVDA
Versus.Az