"Növbədənkənar parlament seçkilərinin keçirilməsi ideyasını dəstəkləyirik"
"YAP-ın bu gün keçirilən toplantısında hakim partiya üzvlərinin növbədənkənar parlament seçkiləri keçirilməsi təşəbbüsü ilə çıxış etməsi və növbədənkənar parlament seçkilərinin fevral ayında keçirilməsinin nəzərdə tutulması gözlənilən hal idi".
Versus.Az xəbər verir ki, bunu açıqlamasında Demokratik Azərbaycan Dünyası Partiyasının (DADP) sədri Əlisahib Hüseynov bildrib:
"Hakim Partiyanın Siyasi Şurası bu qərarın Prezident İlham Əliyevin islahatlar kursuna və kadr islahatlarına dəstək məqsədilə verildiyini qeyd edib. Mən YAP-ın bu addımını müsbət qarşıladım və bu təşəbbüsdə qeyri-adi heç nə görmürəm. Bəzi müxalif siyasətçilərin, xüsusən də Əli Kərimlinin bu hadisəni az qala faciə kimi və top-tüfənglə qarşılaması, YAP-ın bu təşəbbüsünə müxtəlif cür don geyindirməsi anlaşılandır".
Partiya sədrinin fikrincə, radikal müxalifət yenə də cürbəcür bəhanə və iddialarla növbədənkənar parlament seçkilərini qaralamağa çalışacaq və siyasi manipulyasiyalara yol verəcəklər:
"Biz isə növbədənkənar parlament seçkilərinin keçirilməsi ideyasını dəstəkləyirik və hesab edirik ki, real siyasi gücü və elektorat bazası olan istənilən siyasi qüvvə bu seçkilərə qatıla və seçicilərin dəstəyini qazana bilər. Biz DADP olaraq növbədənkənar parlament seçkilərində öz namizədlərimizlə iştirak etməyi nəzərdə tuturuq".
LƏMAN
Versus.Az
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb