"Boykot taktikasına əl atan istənilən siyasi qüvvə iflasa uğrayacaq"

16:51 04-12-2019 | icon 543 | Siyasət
"Boykot taktikasına əl atan istənilən siyasi qüvvə iflasa uğrayacaq"

Əlisahib Hüseynov: "Seçkilərə qatılmaq istəyən müxaliflər isə ultimatumla danışmamalı, ön şərtlər irəli sürməməlidir"

 

"Növbədənkənar parlament seçkilərinə start verilməsi heç şübhəsiz ki, müxalifət düşərgəsində də hərəkətlənməyə, canlanmaya səbəb olub. Və görünən də budur ki, müxalifət düşərgəsində təmsil olunan partiyaların bir çoxu bu seçkilərdə iştirak etməyə meyllidir. Bu isə öz-özlüyündə çox təqdir olunası, bəyənilən haldır".

 

Versus.Az xəbər verir ki, bunu açıqlamasında Demokratik Azərbaycan Dünyası Partiyasının (DADP) sədri Əlisahib Hüseynov bildirib.

 

Partiya sədri vurğulayıb ki, seçkiləri boykot etmək siyasi müdriklik nümunəsi sayıla bilməz:

 

"Boykot taktikasına əl atan istənilən siyasi qüvvə iflasa uğrayacaq. Ancaq seçkilərə qatılmaq istəyən müxaliflər də hakimiyyət və dövlətlə ultimatum dili ilə danışmamalı, ön şərtlər irəli sürməməlidir. Özünü "Milli Şura" adlandıran siyasi qurumun başbilənlərinin indidən "boykot" təhdidini dövriyyəyə buraxmaları hiyləgər siyasi şantaj taktikasından başqa bir şey deyil. Seçkilərə qədər iqtidarla müxalifət arasında dialoqun təşkili məsələsi də şərt kimi irəli sürülə bilməz".

 

Ə.Hüseynovun sözlərinə görə, müxalifət dialoq tərəfdarı olaraq çıxış etdiyi kimi, iqtidar da hər zaman dialoqa açıq olub və indiyə qədər bir neçə dəfə iqtidar-müxalifət dialoqları baş tutub. Partiya sədrinin fikrincə, zərurət yaranacağı təqdirdə heç şübhəsiz ki, iqtidar dialoq məsələsini yenə də gündəmə gətirə, gerçəkləşdirə bilər:

 

"Ancaq radikal müxalifətlə dialoq qurmaq, "dəyirmi masa" formatında bir araya gəlmək tamamilə səmərəsiz işdir. Bu cür tələblər onlara həm "suyu bulandırmaq", həm də öz siyasi varlıqlarını legitimləşdirmək üçün lazımdır".

 

SEVDA
Versus.Az

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər