Azərbaycan qadınların iqtisadiyyatda iştirakı və iqtisadi imkanlarına görə dünyada üçüncüdür

Azərbaycan qadınların iqtisadiyyatda iştirakı və iqtisadi imkanları üzrə 2018-ci ilin yekunlarına görə dünya ölkələrinin ilk üçlüyünə daxil olub.

Versus.Az xəbər verir ki, bu barədə Asiya İnkişaf Bankının (AİB) Azərbaycanda gender qiymətləndirilməsi üzrə hesabatında bildirilir.

Hesabata əsasən, Azərbaycanda qadınlar iqtisadi cəhətdən aktivdirlər və beynəlxalq rəqəmlərlə müqayisədə ölkədə kişilər və qadınlar arasında olan işçi qüvvəsində iştirak nisbətindəki fərq azdır. Qadınların işçi qüvvəsində iştirak nisbəti 68,6% təşkil edib, kişilərdə isə bu nisbət 73,9%-ə bərabər olub. Bunun nəticəsi kimi, Azərbaycan qadınların iqtisadiyyatda iştirakı və iqtisadi imkanları üzrə dünyada ilk üçlüyə daxil olub.

Ümumiyyətlə, Azərbaycanda peşəkar modellər cinsə görə gözə çarpacaq qədər bölünür. Qadınlar sağlamlıq və sosial sahələr də daxil olmaqla müəyyən sektorlarda üstünlük təşkil edir (77%). Bura təhsil (73%), incəsənət, əyləncə və istirahət sektorları da (63%) daxildir.