“Qeyri-infeksion xəstəliklərdən ölüm göstəricisi 48 faizdir"
“İstər xəstələnmə, istər ölüm göstəricisinə, istərsə də əlilliyə görə qeyri-infeksion xəstəliklərin yükü digər yoluxucu xəstəliklərdən yüksəkdir".
Versus.Az xəbər verir ki, bunu jurnalistlərə açıqlamasında Səhiyyə nazirinin müavini Rahim Əliyev deyib.
O bildirib ki, dünya üzrə əhalinin yaşlanma göstəricisi artır:
"Bu, yoluxucu xəstəliklərlə mübarizənin nəticəsidir. Buna baxmayaraq, qeyri-infeksion xəstəliklərin yükü artır. Hazırda bu xəstəliklərə diqqət artıb. Dünyada 70 yaşa qədər əhali arasında qeyri-infeksion xəstəliklərdən ölüm göstəricisi 44 faizdir. Azərbaycanda isə bu göstərici bir qədər artıqdır. Belə ki, ölkədə qeyri-infeksion xəstəliklərdən ölüm göstəricisi 48 faizdir. Yüksəkgəlirli, inkişaf etmiş ölkələrdə bu göstərici 30 faizə çatmır, 26 faizdir".
Nazir müavininin sözlərinə görə, bu baxımdan Azərbaycanda qeyri-infeksion xəstəliklərlə mübarizə ciddi şəkildə aparılmalıdır:
"Burada öhdəlik yalnız səhiyyənin üzərinə düşmür. Bütün qurumlar birgə mübarizə aparmalıdır. Fiziki aktiv həyatın təbliği, maarifləndirmə, tütündən istifadənin azaldılması buna misaldır".
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...