Hafiz Hacıyev Prezidenti təbrik etdi

Müasir Müsavat Partiyasının sədri Hafiz Hacıyev Prezident İlham Əliyevi doğum günü münasibəti ilə təbrik edib.

Versus.Az-ın məlumatına görə, təbrikdə deyilir:

"Cənab Prezident, əziz qardaşım, İlham Əliyev!

Sizi doğum gününüz münasibəti ilə təbrik edir, Sizə uzun ömür, cansağlığı arzu edirəm.

Uzun illərdir ki, Sizin yürütdüyünüz siyasət nəticəsində ölkədə mühüm irəliləyişlər əldə olunub. Bu səbəbdən də biz Müasir Müsavat Partiyası olaraq, hər zaman Sizin siyasi kursunuzu dəstəkləyir və Sizi qorumağı özümüzə borc bilirik.

Arzu edirəm ki, hər zaman sağlam olasınız və ölkəmiz üçün daim müsbət işlər görəsiniz. Bir siyasətçi, dövlət adamı üçün ən vacib məsələ xalqın etimadı və sevgisidir. Siz bu etimadı və sevgini qazanmısınız. Bu səbəbdən də biz Sizin yanınızdayıq və Sizə qarşı olan bütün təhdidlərin qarşısını almağa çalışırıq, bundan sonra da çalışacağıq.

Bir daha partiyamız və öz adımdan Sizi təbrik edirəm".