Bir çoxumuz, evdə və ya iş yerində tozdan əziyyət çəkirik. Gündə bir neçə təmizlənməsinə baxamayaraq yenə də əşyaların üzərində toz təbəqəsinin yığıldığını müşahidə etmək olar.
Versus.Az Medicina.az-a istinadən xəbər verir ki, Toz zərrəcikləri müxtəlif tullantı və kiçik torpaq dənəciklərindən ibarət, cisimlərin üstündəki və ya havada asılı olan çox narın, pudraya bənzər maddədir. Tozun mənbəyi müxtəlifdir. Bura avtomobil bacalarından çıxan karbon qazından tutmuş metal qırıntılarınadək bir çoxunu aid etmək olar.
Bəs tozun insan sağlamlığına nə kimi zərərləri var?
Uzun müddət tozla nəfəs alındıqda insanda allergiya, asqıraq, öskürək, burun qıcıqlanması kimi narahatlıqlara yol aça bilər. Bəzi hallarda isə burun-boğaz və ağciyər narahatlığı olaraq özünü büruzə verəcək. Ancaq tozun bəzi növləri var ki, bir sıra xəstəliklərə yol aça bilər.
Bunlardan ən təhlükəlisi isə silikoz xəstəliyidir. Bu xəstəlik öz növbəsində vərəm və bronxit kimi xəstəliklərə səbəb ola bilər. Xəstəlik əsasən tikintidə, daş karxanalarında, torpaqla işləyənlərdə, şüşə sexlərində işləyən insanlarda daha çox rast gəlinir.
Orta hesabla 3 otaqlı bir mənzilə hər il təxminən 15 kq toz yığılır. Tozdan tamamilə qurtulmaq mümkün deyil. Lakin hər gün təmizləməklə onun daha da çox yığılmasının qarşısını almaq mümkündür.
Bu gün sizə evdən tozun təmizlənməsinin daha effektiv yollarını təqdim edir:
-Evdə mütləq bir texnika işləməlidir. Televizor, notebook və digər qadjetlər işlək vəziyyətdə olduqda, ətrafında maqnit sahəsi əmələ gətirir ki, bu da tozsoran rolunu oynayır.
-Efir yağları. Efir yağları otaqda olan xoş olmayan qoxularla mübarizə apararaq havanı təmizləyir. Ən yaxşı "təmizləyici” isə adaçayı, şam ağacı, çay ağacı bitkiləri hesab edilir. Adı çəkilən efir yağlarından bir neçə damcı şamın üzərinə damızdırın. Toz iyindən qurtulmaq üçün isə pambıq tamponu ilanq-ilanq yağına batıraraq, tozsaranın borusuna yerləşdirin.
-Divarları tozsoranlayın. Əgər divarları tozsoranlamasanız, o zaman hətta aparılan ən dərin təmizlik belə effekt verməyəcək. Ona görə ki, divarlara, əsasən də relyefli divar kağızları ilə örtülmüş olduqda külli miqdarda toz yığılır.
-Döşəməni təmziləməyin ən ideal yolu döşəmə taxtasına nəm əski keçirib silməkdir. Bu tozun daha yaxşı təmizlənməsinə və havaya qalxmamasına kömək olacaq.
324 |
Sağlamlıq
