Startap şəhadətnamələrinin verilməsinə dair tələb olunan əsas meyarlar açıqlanıb
Azərbaycanda innovativ startapları müvafiq vergi güzəştləri ilə təmin edəcək startap şəhadətnamələrinin verilməsinə tələb olunan əsas meyarlar açıqlanıb.
Versus.Az xəbər verir ki, 2019-cu ilin sosial-iqtisadi inkişafının yekunlarına həsr olunan konfransda çıxış edərkən Vergilər Nazirliyinin Vergi siyasəti departamentinin baş direktoru Samirə Musayeva bildirib ki, əsas meyarlar sırasına startapların yeni texnologiyalara əsaslanan istehsal sahəsinin mövcudluğu, mikro və kiçik sahibkar subyekti olması, həmçinin müəyyən reyestrdən keçməsi zəruridir.
Öz növbəsində İqtisadiyyat naziri Mikayıl Cabbarov əlavə edib ki, bu meyarların razılaşdırılması kifayət qədər uzun və məsuliyyətli proses oldu.
“Meyarlar o formatda hazırlanmalı idi ki, burada bir tərəfdən innovativ fəaliyyət üçün güzəştlər tətbiq edilsin, digər tərəfdən isə vergi güzəşti sui-istifadə elementinə çevrilməsin və ədalətsiz rəqabətə gətirib çıxarmasın. Biz kifayət qədər əminik ki, qəbul olan müvafiq qanunvericilik çərçivəsi bizə bu imkanı verir. Növbəti məsuliyyət zonamız inzibatçılığıdır və biz inanırıq ki bu sahədə də bizim bilik, bacarığımız, resurs və istəyimiz mövcuddur”, - deyə M. Cabbarov qeyd edib.
Versus.Az
Xəbər lenti
“Laçın” hücum təyyarələri havaya QALDIRILDI
Əvvəlcə şəxsi heyətə təhlükəsizlik qaydaları çatdırılıb, sonra...