Deputatlığa namizəd merə müraciət edib
FUAD ƏLİYEV sakinlərin şikayətlərini ictimailəşdirdi
Azərbaycan Liberal Demokrat Partiyasının (ALDP) sədri Fuad Əliyev seçicilərin xahisini yerinə yetirərək Bakı Şəhər İcra Hakimiyyətinin başçı Eldar Əzizova məktub ünvanlayıb.
Versus.Az xəbər verir ki, bir müddət öncə Bakıxanov qəsəbəsi, Aşraf Yunusov küçəsi, ev 6A binanın sakinləri ilə görüşdə onların yaşayış şəraitilə tanış olan 26 saylı Sabunçu Birinci seçki dairəsindən namizəd Fuad Əliyev bu məsələdə onlara köməklik edəcəyinə söz vermişdi.
Qeyd edək ki, vətəndaşlar yol problemindən, binaların qəzalı olmasından, zirzəmilərin çirkab suları ilə dolmasından, həyətlərdə uşaqların əyləncəsi üçün şəraitin olmamasından şikayət ediblər. Ən əsası binanın insanlar üçün yararsız və təhlükəli olduğunu diqqətə çatdırıblar.
Fuad Əliyev məktubda qeyd edir:
"Yaşadıqları binanın hələ 1960-cı ildə yararsız olduğunu qeyd edən vətəndaşlar binanın təhlükəli olduğunu bildiriblər. Dam örtüyünün yararsız, divarlarda nəmişliyin, istilik və kanalizasiya sisteminin işlənmədiyinin şahidi oldum. Vətəndaşlar bu şəraitdə böyüklərin və uşaqların tuberkulyoz, böyrək və başqa ciddi xəstəliyə düçar olduqlarından şikayətlənirdilər. Sakinlər bu binadan köçürülməklə bağlı müvafiq qurumlara onlarla məktub yazdıqlarını bildirdilər".
LƏMAN
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi