Türkiyədən Azərbaycana elektrik avadanlıqları ixracı artıb
2019-cu ildə Türkiyədən Azərbaycana elektrik avadanlıqları ixracı 2018-ci illə müqayisədə 19,49 faiz artaraq 171,073 milyon dollar təşkil edib.
Versus.Az xəbər verir ki, bu barədə Türkiyə Ticarət Nazirliyindən bildiriblər.
2019-cu ilin noyabrında Türkiyədən Azərbaycana elektrik avadanlıqları ixracı 2018-ci ilin noyabrı ilə müqayisədə 67,19 faiz artıb və 20,489 milyon dollara bərabər olub.
Qeyd edək ki, 2019-cu ildə Türkiyənin elektrik avadanlıqları ixracı 2018-ci illə müqayisədə 0,5 faiz azalaraq 11,242 milyard dollar təşkil edib.
Hesabat dövründə Türkiyənin elektrik avadanlığı ixracının payı ümumi ixracın 6,2 faizini təşkil edib.
2019-cu ilin dekabrında Türkiyənin elektrik avadanlıqları ixracı 2018-ci ilin dekabrı ilə müqayisədə 2,2 faiz artıb və 977,915 milyon dollara və ya ümumi ixracın 6,4 faizinə bərabər olub.
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"