AVRO-2021: Azərbaycan millisinin oyunlarının təqvimi açıqlanıb

Voleybol üzrə AVRO-2021-in seçmə mərhələsinin təqvimi açıqlanıb.

Versus.Az Apasport.az-a istinadən xəbər verir ki, Fərid Cəlalovun rəhbərlik etdiyi kişilərdən ibarət Azərbaycan yığmasının oyunlarının ardıcıllığı və ilkin tarixləri bəlli olub.

F qrupunda mübarizə aparacaq millimiz ilk matçını evdə Monteneqroya qarşı keçirəcək. Ardınca komandamızı Gürcüstan və Yunanıstana səfərlər gözləyir.

İkinci dövrədə Ellada təmsilçisi və qonşularımızı qəbul edəcək milli mübarizəyə Monteneqrodakı matçla yekun vuracaq.

Qeyd edək ki, kişilərin mübarizəsində 7 qrup qalibi və ikinci yer sahiblərindən 5 ən yaxşısı final mərhələsinə yüksələcək. Həlledici raund Polşa, Çexiya, Finlandiya və Estoniyada təşkil olunacaq.

AVRO-2021-in seçmə mərhələsi
F qrupu

I tur, 15-16 avqust
Yunanıstan – Gürcüstan
Azərbaycan - Monteneqro

II tur, 19 avqust
Monteneqro – Yunanıstan
Gürcüstan – Azərbaycan

III tur, 22-23 avqust
Yunanıstan – Azərbaycan
Monteneqro - Gürcüstan

IV tur, 29-30 avqust
Gürcüstan – Monteneqro
Azərbaycan - Yunanıstan

V tur, 2 sentyabr
Yunanıstan – Monteneqro
Azərbaycan - Gürcüstan

VI tur, 5-6 sentyabr
Gürcüstan – Yunanıstan
Monteneqro – Azərbaycan