Sevgililər gününə hansı hədiyyəni almaq lazımdır? 

Bu gün, 14 Fevral dünyanın əksər ölkələrində sevgililər günü kimi qeyd olunur.

“Müqəddəs Valentin” günü  adlandırılan bu tarix insanlara onların bir-birlərinə olan sevgi duyğularını müxtəlif hədiyyələr, məhəbbət mesajları ilə bildirməsi üçün bir imkandır. Yaranma tarixi eramızın 496-cı ilinə təsadüf etsə də, bu gün geniş mənada 19-cu əsrdən etibarən qeyd edilməyə başlanıb.

Azərbaycanda isə 20 ilə yaxındır qeyd olunmağa başlanılan “Valentin” birmənalı qarşılanmasa da, həmin gün sevgililərini, həyat yoldaşlarını təbrik edən insanlarımız da az deyil.

Bəzi insanlar “Valentin” gününün xüsusi olaraq qeyd edilməsini vacib saymayaraq, “Sevginin günü yoxdur” deyə düşünür. Bəziləri isə müxtəlif yollarla öz sevgilisini sevindirməyə çalışır.

Evləndikdən sonra 14 Fevralın bayram kimi qeyd edilməyinin önəmli olmadığını düşünənlər də az deyil.

Bəs maraqlıdır, 14 Fevralda cütlüklər bir-birlərinə hansı hədiyyələri almalıdır? Sevginin günü olurmu? Yaxud da evlilik bu bayramı arxa plana atır?