Taekvondoçularımız Helsinqborqda 4 medal qazanıb
İsveçin Helsinqborq şəhərində taekvondo üzrə “Prezident Kuboku” start götürüb.
Versus.Az xəbər verir ki, Avropa yığmalarının qatıldığı yarış Azərbaycan millisi üçün uğurlu başlayıb.
Komandamız artıq 4 mükafata sahib olub. Milli üzvlərindən Payam Qobadi Oğaz (87 kq) bütün rəqiblərinə qalib gələrək, qızıl medala sahib olub. Digər taekvondoçulardan Ayxan Tağızadə (74 kq), Radik İsayev (+87 kq) və Patimat Abakarova (53 kq) yarımfinalda məğlub olaraq, yarışı bürünc medalla başa vurublar.
Qeyd edək ki, yığmamız Azərbaycan Taekvondo Federasiyasının vitse-prezidenti Niyaməddin Paşayev, baş məşqçilər Reza Mehmandoust və Elnur Amanovun rəhbərliyi altında fevralın 22-də keçiriləcək “Helsinqborq Open” beynəlxaq turnirində də qüvvələrini sınayacaq.
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...