Paşinyanın çıxışına sevinənlər

13:15 11-05-2018 | icon 318 | Kürsü
Paşinyanın çıxışına sevinənlər

TƏLƏSMƏYİN

 

ƏLİSAHİB HÜSEYNOV

/DADP sədri/

 

Axşam sosial şəbəkədə dəyərli dostumuz, ədəbi tənqidçi Əsəd Cahangirin Ermənistanın yeni seçilmiş baş naziri Nikol Paşinyanla bağlı bir paylaşımına rast gəldim. Əsəd bəy doğru deyir ki, Paşinyanın "Azərbaycan dövləti qorxaqdır" sözləri deyəsən bəzilərinin yaman ürəyindən olub. Bu, ikibaşlı paylaşmalardan da görünür.

 

Əsəd Cahangir haqlıdır. Guya Paşinyanın söyləmiş olduğu bu fikiri xüsusi bir həvəslə paylaşanlar, xəbərə çevirib dərc edənlər, haray-həşir qoparanlar, "niyə bu Paşinyanın dərsini vermirik?" və "nə üçün dərhal müharibəyə başlamırıq?" deyə, psevdovətənpərvərlik sərgiləyənlər, monitor önündə qəhrəmanlıq şousu göstərənlər də çox oldu. Ancaq yaxşı olar ki, Paşinyanın çıxışına sevinənlər sevinməyə tələsməsinlər! Çünki əvvəla, Paşinyanın həqiqətən də bu sözü deyib-demədiyi təsdiqlənmədi. Bizim saytlardan fərqli olaraq Ermənistanın əsas xəbər portallarında N.Paşinyanın adından belə bir açıqlama yer almayıb. Amma onun Şuşadakı məlum çıxışı ümumən müharibə ritorikası üzərində qurulmuşdu və bu həm Azərbaycana ünvanlanmış hərbə-zorba gəlmək taktikası idi, həm də hal-hazırda inqilab ab-havasına köklənmiş ermənilərin nazıyla oynamaq xarakteri daşıyırdı.

 

Bəzi ekspertlərimiz isə haqlı olaraq Paşinyanın son çıxışının Azərbaycanı təxribata çəkmək, qıcıqlandırmaq niyyəti güddüyünü bildirirlər. Əslində, Paşinyanın Şuşadakı sərsəmləməsi bilavasitə, qondarma "Dağlıq Qarabağ Respublikası"nın terrorçu-quldur klanına hesablanıb. Paşinyan yaxşı bilir ki, Ermənistanda hakimiyyət məsələsi mütləq şəkildə Dağlıq Qarabağ kartı və klanından asılıdır. Odur ki, populist çıxışlarıyla hakimiyyət əldə edən bu şəxs, elə axıra qədər də bu cür populist, şou xarakterli çıxışlar etməklə öz siyasi ömrünü uzatmağa məcburdur.

 

Eyni zamanda isə bir mühüm amili də nəzərə almalıyıq ki, Qarabağ məsələsi bizdə olduğu kimi Ermənistanda da birləşdirici amil rolunu oynayır. Odur ki, S.Sərkisyanın bu inqilabçı xələfi öz sərsəm açıqlamalarıyla son həftələr ərzində ermənilər arasında yaranmış birliyi bundan sonra da qorumağa çalışacaq. Paşinyan olduqca hiyləgər adamdır. O bilir ki, lap yaxın gələcəkdə erməni cəmiyyətində parçalanmanın baş verəcəyi labüddür. Məhz həmin parçalanmanın qarşısını almaq və siyasi dividend qazanmaq məqsədi ilə bu cür avantürist açıqlamalar vermək hazırki məqamda N.Paşinyan üçün ən məqbul taktikadır. Əsl həqiqətdə isə N.Paşinyan indiki məqamda Qarabağda müharibəyə başlamaq iqtidarında deyil. Bu mənada, biz Ermənistan rəhbərliyinin qıcıqlandırıcı çıxışlarına görə hərəkət etməli deyilik. Paşinyan özünü döyüşkən xoruz kimi aparır. Amma Azərbaycan N.Paşinyanın sözləriylə deyil, özünün planlaşdırdığı məqamda, Qələbə üçün ən əlverişli və uyğun zamanda müharibəyə başlayacaq!

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

15 yaşında Şəhadətə yüksəlmiş Tiqanamız

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

DƏRD AĞACINDAN ASILI QALAN ŞƏHİD ARZULARI

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Dövlət komitəsi Məhərrəmlik ayı ilə bağlı müraciət etdi

Jurnalistin qardaşının evi yenə qarət edildi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

"Bəzən buna görə jurnalistləri ittiham edirlər"

Yuxusuzluğun ölümcül təhlükəsi aşkarlanıb

Ali məktəblərin boş qalan plan yerlərinə və kolleclərə qəbulun nəticələri açıqlanıb