Qubalılar Quba qaz limitinə yenidən baxılmasını istəyir
Əlabbas Məhərrəmov: "Deputat aidiyyatı qurumlara müvafiq sorğular göndərməli, konkret təkliflərlə çıxış etməlidir"
"Azərbaycan parlamentində təmsil olunan deputat ilk növbədə təmsil etdiyi dairədə seçiciləri ən çox narahat edən məsələləri Milli Məclisdə qaldirmalıdır".
Versus.Az xəbər verir ki, bunu açıqlamasında politoloq Əlabbas Məhərrəmov bildirib.
Politoloq qeyd edib ki, deputat aidiyyatı qurumlara müvafiq sorğular göndərməli, konkret təkliflərlə çıxış etməlidir:
"Hesab edirəm ki, Quba seçicilərini ən cox narahat edən məsələ təbii qaz üçün tətbiq olunan limit məsələsidir. Quba daglıq rayondur, qışı çox sərt keçir və xeyli davam edir. Ona görə də Tarif Şurası bu məsələyə mütləq yenidən baxmalıdır. Çünki vətəndaş bu durumda həm maddi planda əziyyət çəkir, həm də sərt hava şəraitində qazsız qalır".
Əlabbas Məhərrəmov vurğulayıb ki, istər dağ kəndlərində, istərsə də rayon mərkəzində vətəndaşın əsas tələbi qaz limitinə yenidən baxılmasıdır. Onun sözlərinə görə, dairəsi ilə işləyən deputatın qaldıracağı bundan vacib məsələ olmamalıdır.
SEVDA
Versus.Az
Xəbər lenti
Gədəbəydə DƏHŞƏT
Saxlanc otağında asılmış meyit tapılıb