Olimpiya Oyunları ilə bağlı qərar mayda veriləcək
343 |
İdman
Tokio-2020 Yay Olimpiya Oyunları ilə bağlı yekun qərar mayda veriləcək.
Versus.Az Apasport.az-a istinadən xəbər verir ki, bu xəbəri Rusiyanın “RİA Novosti” agentliyinin Yunanıstan Milli Olimpiya Komitəsindəki mənbəyi verib.
Qurumdakı mənbə bildirib ki, Olimpiya Oyunlarının ləğvi, başqa vaxta təxirə salınması, yoxsa nəzərdə tutulduğu tarixdə keçirilməsinə dair yekun qərar iki aydan sonra veriləcək:
“İndi bu barədə danışmaq tezdir. Hər cür ssenari mümkündür. Yekun qərar Təşkilat Komitəsinin mayda keçiriləcək iclasında veriləcək. Həmin vaxt koronavirusla bağlı da qeyri-müəyyənlik başa çata, onun yayılma vəziyyəti bəlli ola bilər. Hər şey mümkündür”.
Qeyd edək ki, Yaponiyanın paytaxtında təşkil olunacaq Olimpiada iyulun 24-dən avqustun 9-dək keçiriləcək.
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi
