Milli Məclis haqqında təəssüratlarım
Koronavirusla bağlı görülən tədbirlər qənaətbəxşdir
RAZI NURULLAYEV
/millət vəkili/
Ölkə çölündə baş verən hadisələr (dostlaşma, komandalaşma, zarafat, bəzən iradlar, bəzən özünü görməməziliyə vurma, çay süfrəsi, lifti gözləmə və s) həm də Parlament binasında cərəyan edir. Çöldə və Parlament binasında olan insanların fərqi sonuncuların mandata sahib olması və bir sıra hüquqi üstünlüklərə malik olmasıdır. Xarakter, xasiyyət və digər buna bənzər məqamlar isə dəyişmir.
Ən çox bəyəndiyim məqamlardan biri, Parlamentdə işləyən məmurların və işçi heyətin bacarıqlı, sürətli və mədəniyyətli olmasıdır. Həqiqətən, ciddi dövlət əxlaqına malikdirlər. Bir neçə gün müşahidələrimə uyğun ən yüksək bal verə bilərəm.
Parlament elə yerdir ki, gərək yaxşı öyrənib təcrübə toplayasan. Parlamentin də öz labirintləri var, gərək gözüaçıq olasan ki, həm azmayasan, həm də səni azdırmasınlar. Hər ikisi, mənim üçün ciddidir.
Parlamentdə bir məqamı da özüm üçün ayırd etdim və bunu misal üzərində izah edəcəm. Azərbaycan yollarında qaydalara və sürət həddinə uyğun avtomobil idarə edən sürücülərə hər kəs əl yelləyir, siqnal verir, yanından qəzəbli baxışlarla sürətlə ötüb keçir və hələ üstəlik də deyir ki, "belə də sürücü olar?".
Şəxsi münasibətlər ciddi rol oyanyır. Buna normal yanaşıram. Bütün dünyada bir çox məsələlər şəxsi münasibətlərə söykənib həll edilir. Hətta, prezidentlər arasında şəxsi münasibətlər yaxşı olanda ölkələrarası münasibətlərdəki gərginlik də tez aradan qalxır. Demək ki, hər kəslə normal və yaxşı münasibətlər qurmağa çalışmalısan. Bir də iclas zalında müzakirələr zamanı baş verə biləcək toqquşmalar elə orada da qalmalı və şəxsi münasibətlərə xətər gətirməməlidir.
Bir məqamı da deməliyəm: səsvermədə maksimum iki etiraz, maksimum 3 bitərəf, qalanları lehinə. Amma, lap çoxdan müşahidə etdiyim bir məsələni deyim. Çıxışlar edilir və müzakirə oluna məsələyə etiraz edilir. Belə görünür ki, onlarla millət vəkili qərar layihəsinə düzəliş tələb edir, yenidən təkrar Parlament Komitəsinə və ya Prezident Administrasiyasına göndərilməsini, təkrar səsverməyə çıxarılmasını istəyirlər. Məsələ səsverməyə çıxarılır və demək olar ki, əksəriyyət lehinə səs verir. Bəs onda o boyda müzakirə, etiraz nəyə lazım idi?
Bu yanaşmanı və inkişaf tempini doğru saymıram.
Yalnız bir məqamı doğru ola bilər, zənnimcə. O, da ictimaiyyət üçün mövqe açıqlamaq. Yəni, Namrud padşahın tonqalda yandırdığı İbrahim peyğəmbərə su daşıyan qarışqa kimi. Qarışqa mövqeyini ortaya qoymuşdu, amma tonqalı söndürə bilməzdi.
Xəbər lenti
Bakıda yaşayış binalarında da parklanma yerləri BAHALAŞDI
Ayı 60 manata olan parklanma yeri hazırda 90 manatadır