Qoy bu, Sizin növbəti əlamətdar gününüzə SÖZ ərmağanı olsun

16 mart günü dünyaya bir sıra görkəmli şəxsiyyətlər bəxş edib. Ümumiyyətlə, bu tarixdə dünyaya gələn insanların arasında oxşar xüsusiyyətlər çoxdur. Bu gün sizə həmin tarixdə anadan olan iki insan haqqında söhbət açmaq istəyirəm.

Ceyms Medison - 1751-ci il martın 16-da ABŞ-ın Virciniya ştatının Port-Konuey yaşayış məntəqəsində varlı plantator ailəsində anadan olmuşdu. Boyu 1 m. 62 sm olan Ceyms Medison parlaq düşüncəli, dəmir iradəli, kübar bir şəxsiyyət idi. 1809-cu ildən 1817-ci ilədək Amerika Birləşmiş Ştatlarının 4-cü prezidenti olub...

Ağalar İdrisoğlu - 1950-ci il mart ayının 16-da Masallı rayonunun Digah kəndində dünyaya gəlib. Azərbaycan yazıçısı, dramaturqu və rejissorudur. Azərbaycan Yazıçılar Birliyinin və Azərbaycan Teatr Xadimləri İttifaqının üzvüdür...

İti zəka, duyğusallıq, dərin təfəkkür, əzmkarlıq bu insanlara məxsus olan xüsusiyyətlərin sırasında olsa da, ən böyük keyfiyyətləri isə daim hərəkətdə olmaq, cəmiyyətə fayda verməkdən ibarətdir...

Nə isə, Ceyms Medison uzaq keçmişdə qaldı. Bu gün bizimlə eyni dünyada qərar tutan, yazıb yaradan Ağalar İdrisoğlunun müsbət cəhətlərini sadalamaqla bitməz. Heç sadalamaq istəmirəm də. Çünki dostları bu cəhətləri Onda çoxdan kəşf ediblər...

Bəli, martın 16-sı gözəl günlərdən biridir. Bu tarixdə dünyaya gələn insanlar da gözəl olurlar...

Hörmətli Ağalar İdrisoğlu, yubileyinizdən xəbər tutub qaçaraq qələmə aldığım bu yazı, qoy Sizin növbəti əlamətdar gününüzə SÖZ ərmağanı olsun! 70 yaşınız mübarək!

Elman Eldaroğlu
Versus.Az