Məktəblilərimiz beynəlxalq olimpiadada medal qazandılar - FOTOLAR

Dörd Azərbaycan məktəblisi beynəlxalq olimpiadada medal qazanıb.

Versus.Az xəbər verir ki, bu barədə Təhsil İnstitutunun istedadlı uşaqlarla iş şöbəsinin müdiri Fuad Qarayev bildirib.

Fuad Qarayev qeyd edib ki, 13-18 mart tarixlərində Rusiya Federasiyasında keçirilməsi planlaşdırılan lakin Covid-19 ilə əlaqədar bütün iştirakçı ölkələr üçün online keçirilən 5-ci Qafqaz Riyaziyyat Olimpiadası yekunlaşıb:

"Şagirdlərimizdən Murada Ağazadə (senior team) qızıl medal, Abbas Məmmədov (senior team) qızıl medal, Toğrul Abbasov (junior team) qızıl medal qazanıb. Digər məktəblimiz Amin Cəfərzadə isə (junior team) bürünc medala layiq görülüb.
Şagirdlərimizi, onların valideynlərini təbrik edir və bu işdə əməyi olan bütün müəllimlərimizə təşəkkür edirik"

Məktəblilərimizin və digər iştirakçıların nəticələri ilə aşağıdakı link vasitəsi ilə tanış olmaq olar. bilərsizin.


Xatırladaq ki, keçən tədris ilində şagirdlərimiz bu olimpiadada 1 gümüş və 1 bürünc medal əldə etmişlər.

Versus.Az