Razi Nurullayev: "Yaxın günlərdə Fondun bank hesabına müəyyən miqdarda vəsait köçürəcəyik"

Milli Məclisin deputatı Razi Nurullayevin rəhbərlik etdiyi Azərbaycan Xalq Cəbhəsi Partiyası da (AXCP) prezidentin çağırışına qoşulur.

Versus.Az xəbər verir ki, bu barədə millət vəkili Razi Nurullayev bildirib.

Deputat deyib:

"Əziz vətəndaşlar! Bildiyiniz kimi Prezident İlham Əliyev tərəfindən Azərbaycanda əhalinin sağlamlığının qorunması, koronavirus infeksiyasına qarşı mübarizənin gücləndirilməsi məqsədilə “Koronavirusla Mübarizəyə Dəstək Fondu” yaradılıb və ilkin olaraq Azərbaycan Prezidentinin ehtiyyat fondundan 20 milyon manat vəsait ayrılıb.

AXCP üzvləri olaraq bu təşəbbüsün əhəmiyyətini dərk edərək biz də bu aksiyaya qoşuluruq. Biz bu təşəbbüsü təqdirə layiq hesab edir və dövlətimizin bu istiqamətdə həyata keçirdiyi bütün tədbirlərə dəstək veriririk.

Yaxın günlərdə Fondun bank hesabına müəyyən miqdarda vəsait köçürəcəyik.

Biz bu mübarizədə fonda dəstək və yardım etmək üçün bütün dostlarımızı, xalqımızı milli həmrəyliyə, bu virusa qarşı birgə mübarizəyə səsləyirik".

Versus.Az