İqbal Ağazadədən Mübariz Mənsimova dəstək
"Onun həbsini qətiyyətlə pisləyir, Türkiyə hökumətindən, həmçinin məhkəməsindən ədalətli addım atmalarını gözləyirəm"
Ümid Partitasının sədri İqbal Ağazadə Mübariz Mənsimova dəstək mövqeyini sərgiləyib.
Versus.Az xəbər verir ki, partiya sədri bununla bağlı "Facebook" hesabında yazıb.
M.Mənsimovun həbsini və barəsində yazılanları günlərdir izlədiyini qeyd edən İ.Ağazadə vurğulayıb ki, onun özünü şəxsən tanımır, fəaliyyəti barədə də geniş məlumata malik deyil. Amma bu bir həftə ərzində xeyli bilgi əldə etdiyini qeyd edən partiya sədri gəldiyi qənaəti sosial hesabında bölüşüb:
"Mübariz Mənsimov fəaliyyəti dönəmində xeyli həmvətənimizə yardım edib, onlara dayaq olub. Xəstələr, aztəminatlı insanlar, o cümlədən Türkiyədə təhsil alan tələbələrimiz zaman-zaman Mübariz bəydən davamlı yardım görmüşlər.
Onun həbsini qətiyyətlə pisləyir, Türkiyə hökumətindən, həmçinin məhkəməsindən ədalətli addım atmalarını gözləyirəm. Çox inanmaq istəyirəm ki, müraciətləri nəzərə alaraq, Türkiyə Cümhuriyyətinin yetkililəri adil qərar qəbul edəcək, Mübariz Mənsimov barəsində həbs qətimkan tədbirini dəyişdirərək, işini davam etdirəcəyinə şərait yaradacaqlar".
LƏMAN
Versus.Az
Xəbər lenti
YUXU
Başıma gələn bir olay yəqin ki, yumor hissi olanlara xoş gələcək