Tamilla Qulami: “Məhkumları cəzadan şərti olaraq vaxtından əvvəl azadetmə və...”

“Ümid Partiyasının ölkədəki xüsusi vəziyyətlə bağlı penitensiar sahədə hökumətə təqdim etdiyi təkliflər həyata keçirilir”.

Versus.Az-ın məlumatına görə, bunu açqlamasında Ümid Partiyasının sədr müavini Tamilla Qulami bildirib.

Ədliyyə Nazirliyinin verdiyi məlumata istinad edən partiya yetkilisi 2 gün ərzində ardıcıl olaraq 220 məhkumun azadlığa buraxıldığını vurğulayıb:

“Penitensiar və tibb xidmətləri gücləndirilmiş iş rejiminə keçərək, məhkum və təqsirləndirilən şəxslərin yaxınları ilə görüşləri və sovqatların ötürülməsi məhdudlaşdırılıb, bütün əməkdaşların və məhbusların sağlamlığı daim nəzarətdə saxlanılmaqla gündəlik tibbi müayinəsi, termometriyası aparılır. Eyni zamanda, məhkumları cəzadan şərti olaraq vaxtından əvvəl azadetmə və daha yüngül rejimli müəssisəyə keçirmə institutunun tətbiqi diqqətdə saxlanılaraq bu məqsədlə yaradılmış nazirliyin xüsusi Komissiyası bayram günlərində də fəaliyyətini davam etdirib. Video-konfrans vasitəsilə virtual qaydada keçirilən iclaslarda məhkumların işləri öyrənilib, özləri ilə söhbətlər aparılıb və qanunvericiliyin tələblərinə cavab verən şəxslər barədə materiallar dərhal məhkəməyə təqdim olunub”.

SEVDA
Versus.Az