Millimiz FİFA reytinqində geriləyib
934 |
İdman
FİFA qadınlardan ibarət milli komandaların reytinq siyahısını açıqlayıb.
Versus.Az xəbər verir ki, Azərbaycan milli komandası 2020-ci ilin ilk cədvəlində 1321 xalla 76-cı pillədə qərarlaşıb.
Yığmamız ötən reytinq siyahısı ilə müqayisədə 1 pillə geriləyib. 2019-cu ilin dekabrında millimiz 1326 xalla 75-ci sırada idi.
Komandamızın 5 xal itkisinə hesabat dövründə keçirdiyi oyunun nəticəsi də təsir edib. Milli AVRO-2021-in seçmə oyununda Polşaya evdə 0:5 hesabı ilə uduzub.
Azərbaycanın gerilməsində Albaniyanın da rolu olub. Bu ölkənin yığması iki pillə irəliləyərək komandamızı keçib.
Millinin seçmə mərhələdəki rəqiblərindən İspaniya 13-cü pillədə (1915) qalıbsa, Polşa 2 pillə irəliləyərək 28-ci yerə (1683) yüksəlib. Çexiya 1 addım geriləməklə 29-cu (1678), Moldova 2 pillə aşağı yuvarlanmaqla 92-ci (1228) olub.
Siyahıya ABŞ millisi başçılıq edir – 2181 xal. Almaniya 2090 xalla 2-ci sıradadır. Niderlandı ilk “üçlük”dən sıxışdırıb çıxaran Fransa 2036 xala malikdir.
Qeyd edək ki, cədvəldə dünyanın 159 millisi yer alıb.
Xəbər lenti
Gədəbəydə DƏHŞƏT
Saxlanc otağında asılmış meyit tapılıb
