"Türkmənlərin pozulan hüquqları bərpa edilsin, parlamentdə təmsil hüquqları tanısın" - BƏYANAT

"Mayın 12-də İraqda keçirilən parlament seçkilərində Kərkük türkmənlərinə qarşı böyük haqsızlıq edilib. Seçkilərin nəticələri saxtalaşdırılıb. Türkmənlər hüquqlarının bərpası üçün seçkilərin nəticələrinə etiraz edərək, küçələrə çıxıb, öz haqlarını tələb ediblər".

Versus.Az xəbər verir ki, bu barədə Azərbaycan Liberal Demokrat Partiyasının (ALDP) bəyanatında bildirilir. Bəyanatda Azərbaycan Liberal Demokrat Partiyası türkmənlərə qarşı olan saxtakarlığı pisləyir və onların haqlı olan etiraz aksiyalarını dəstəkləyir:

"ALDP hesab edir ki, bütün Türk dünyası Kərkükdə qan bir, can bir soydaşlarımıza qarşı edilən haqsızlığa göz yummamalı, İraq hakimiyyəti tərəfindən edilən saxtakarlığa etiraz bildirməli və türkmənlərə öz mənəvi dəstəyini bildirməlidir.

ALDP olaraq İraq hökümətinə müraciət edirik ki, İraqın bütövlüyü və dövlətçiliyi naminə türkmənlərin pozulan hüquqları bərpa edilsin, parlamentdə təmsil hüquqları tanısın.

ALDP olaraq bəyan edir ki, biz Kərkük türkmənilərinin yanındayıq və daim onlara dastək verməyə hazırıq".

Ağanisə Sultanova
Versus.Az